الماتىدا 10 جىلدا العاش رەت سايىن جانە رايىمبەك باتىر كوشەلەرىندەگى جەر ءۇستى وتكەلدەرى جوندەلۋدە
الماتى اكىمى ەربولات دوسايەۆ جۇمىس ساپارى بارىسىندا قالانىڭ اۋەزوۆ اۋدانىنداعى جەر ۇستىندەگى بەس جاياۋ جۇرگىنشىلەر وتكەلىنىڭ بىرىنە كۇردەلى جوندەۋدىڭ جۇرگىزىلۋىمەن تانىستى، دەپ حابارلايدى almaty-akshamy.kz
سايىن كوشەسى مەن رايىمبەك داڭعىلىنىڭ وتكەلدەرى 10 جىلدان استام ۋاقىت بۇرىن سالىنعان جانە سودان بەرى جوندەلمەگەن. بۇگىنگى كۇنى ولاردا كوتەرۋ مەحانيزمدەرى مەن ليفتىلەر جۇمىس ىستەمەيدى.
جوبا اياسىندا وتكەلدەردە قىستا دا ۇزدىكسىز جۇمىس ىستەيتىن ءارى ايازعا ءتوزىمدى تىك كوتەرگىشتەردى ورناتۋ جوسپارلانۋدا. جارىقتاندىرۋ باعانالارى مەن شامداردى اۋىستىرۋ جۇزەگە اسىرىلادى، اعىزۋ قۇبىرلارى اۋىستىرىلادى جانە جاياۋ جۇرگىنشىلەر وتكەلدەرىن ساۋلەتتىك جارىقتاندىرۋ ۇيىمداستىرىلادى. جۇمىستى جازدىڭ سوڭىنا دەيىن اياقتاۋ جوسپارلانۋدا.
بۇدان باسقا، قوعامدىق قاۋىپسىزدىكتى ارتتىرۋ ماقساتىندا پوليسيانىڭ جەدەل باسقارۋ ورتالىعىنا شىعارىلادى ءارى بەينەباقىلاۋ كامەرالارىنىڭ سانىن كوبەيتۋ جوسپارلانۋدا.
قالا اكىمى Onay كولىك كارتاسى ارقىلى ازاماتتاردىڭ جەكەلەگەن ساناتتارىنىڭ ليفتىلەردى پايدالانۋ مۇمكىندىگىن قامتاماسىز ەتۋدى تاپسىردى. سونداي-اق، مەگاپوليس باسشىسىنىڭ تاپسىرماسى بويىنشا ۇلگىلىك جوبا ازىرلەنەتىن بولادى، وندا مۇنداي وتكەلدەردى جوندەۋگە قويىلاتىن ءبىرىڭعاي تالاپتار كورسەتىلەدى.