كلۋب بارمەنىنىڭ قىلمىستىق ارەكەتى وتكەن جىلى اشكەرەلەنگەن، دەپ حابارلايدى Almaty-akshamy.kz Polisia.kz-كە سىلتەمە جاساپ.
«مەفەدرون جەتكىزۋ ارناسىن انىقتاۋ ءىس-شاراسى ناتيجەسىندە ءبىزدىڭ بولىمشە قىزمەتكەرلەرىنىڭ نازارىنا قالاداعى ويىن-ساۋىق مەكەمەلەرىنىڭ ءبىرىنىڭ بارمەنى ءتۇستى. ونىڭ جۇمىس ورنىندا – تۇنگى كلۋبتىڭ بار كاسساسىندا مەفەدرون ساتۋدى ۇيىمداستىرعانى انىقتالدى. كۇدىكتى ەسىرتكى ساتۋ كەزىندە قولعا ءتۇستى. باردى جانە جەكە ءتىنتۋ كەزىندە ودان ساتۋعا دايىندالعان، ىشىندە مەفەدرون بايلامدارى بار تەمەكىنىڭ ەكى قورابى تاركىلەندى. تەرگەۋ شارالارى ۇستالعان ازاماتشا تۇرعان ۇيدە جالعاستى. كۇدىكتىنىڭ قۇربىسى ەسىرتكىدەن قۇتىلعىسى كەلدى، ءبىراق بۇل ويى جۇزەگە اسپاي قالدى. ساتۋعا دايىندالعان 20 دوزا مەفەدروننان بولەك، ەلەكتروندى تارازى، قاپتاما ماتەريالى جانە ەسىرتكى زاتى بار 3 بايلام تابىلدى»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ قاۋلىسىمەن ۆ. ەسىمدى ازاماتشا، ق ر قك-نىڭ 297-بابى 3-بولىگىنىڭ 3،6-تارماعىندا كوزدەلگەن قىلمىستىق قۇقىقبۇزۋشىلىقتى جاساعانى ءۇشىن كىنالى دەپ تانىلدى. قاۋىپسىزدىگى ورتاشا قىلمىستىق-اتقارۋ جۇيەسى مەكەمەسىندە وتەۋىمەن 10 جىلعا باس بوستاندىعىنان ايىرىلدى.