كۇدىكتىدەن ۇنتاق ءتارىزدى، ەرەكشە ءيىستى 15 بۋما تابىلىپ، تاركىلەندى.
الماتىدا ەسىرتكى «قويىپ كەتۋشى» قىلمىس ورنىندا ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
اۋەزوۆ اۋدانىنىڭ پوليسيا قىزمەتكەرلەرىمەن جۇرگىزىلگەن جەدەل ىزدەستىرۋ ءىس-شارالارى بارىسىندا 19 جاستاعى ۋ. ەسىمدى ازامات ۇستالدى. ول ق ر قك-نىڭ 297-بابى 3-بولىگىندە (ەسىرتكى، پسيحوتروپتىق زاتتاردى، سول تەكتەستەردى وتكىزۋ ماقساتىندا زاڭسىز دايىنداۋ، قايتا وڭدەۋ، يەمدەنۋ، ساقتاۋ، تاسىمالداۋ، جونەلتۋ نە وتكىزۋ) كوزدەلگەن قىلمىستىق قۇقىقبۇزۋشىلىقتى جاسادى دەگەن كۇدىككە ءىلىندى.
«سوتقا دەيىنگى تەرگەۋ بارىسىندا كۇدىكتى ءبىزدىڭ اۋدان اۋماعىندا پسيحوتروپتىق زات – مەفەدرون سالىنعان بايلامداردى تىعىپ كەتىپ جۇرگەندىگى انىقتالدى. ءتىنتۋ كەزىندە كۇدىكتىدەن ەرەكشە ءيىسى بار، ۇنتاق ءتارىزدى 15 وقشاۋلانعان بۋما تابىلدى جانە تاركىلەندى»، – دەدى اۋەزوۆ اۋداندىق پوليسيا باسقارماسىنىڭ باستىعى ۇلان ءابىلقايىر.
كۇدىكتى ءوزىنىڭ بارلىق قوزعالىسىن تەلەفونىنداعى ارنايى قوسىمشاعا جازىپ وتىرعان. بۇل – ونىڭ «ىس-ارەكەتىنىڭ» باستى دالەلى بولدى. ۇستالعان ازامات ۋاقىتشا ۇستاۋ يزولياتورىنا قامالدى. تەرگەۋشىلەر ءبىرقاتار ارنايى ساراپتامالار تاعايىندادى، قورىتىندىسى بويىنشا پروسەسسۋالدىق شەشىم قابىلداناتىن بولادى.