ە.دوسايەۆ جولداردى سالۋ جانە جوندەۋ كەزىندە جاڭا ماتەريالداردى قولدانۋدى قاراستىرۋعا تاپسىرما بەردى.
الماتىدا قالا اكىمى ەربولات دوسايەۆتىڭ توراعالىعىمەن جاۋاپتى باسقارما باسشىلارىنىڭ، اۋدان اكىمدەرىنىڭ، كولىك كومپانيالارى مەن عىلىمي مەكەمەلەر وكىلدەرىنىڭ قاتىسۋىمەن 2022 جىلعا ارنالعان الماتى قالاسىنىڭ كولىك ينفراقۇرىلىمىن دامىتۋ ماسەلەلەرى جونىندە كەڭەس ءوتتى، دەپ حابارلايدى اlmaty-akshamy.kz.
كەڭەس بارىسىندا اعىمداعى جىلعا ارنالعان جول ينفراقۇرىلىمىن دامىتۋ بويىنشا جۇمىس جوسپارىن ورىنداۋ جونىندەگى ەسەپ تىڭدالدى. جوسپارعا جولايرىقتارىن سالۋ، كوشەلەردى ۇزارتۋ، شاعىناۋدانداردا جول سالۋ، ورتاشا جانە اعىمداعى جوندەۋ جۇمىستارىن جۇرگىزۋ جانە ت.ب. كىرەدى.
بۇگىندە الماتىنىڭ كوشە-جول جەلىسىنىڭ ۇزىندىعى 3 097 شاقىرىمدى قۇرايدى، ونىڭ 234 شاقىرىمىندا قاتقىل جابىن جوق. جاقسى جانە قاناعاتتانارلىق جاعدايداعى جولدار ۇلەسىنىڭ كورسەتكىشىن 2025 جىلعا قاراي 95%-عا دەيىن جاقسارتۋ قاجەت. جىل سايىن 70 كم جاڭا جول سالۋ، ۇزىندىعى كەمىندە 200 كم جولدى ورتاشا جانە 350 مىڭ شارشى مەتردەن استام اسفالتبەتون جابىنىن اعىمداعى جوندەۋمەن قامتۋ قاجەت.
قازىرگى ۋاقىتتا قالادا ءۇش جولايرىعىنىڭ قۇرىلىسى جالعاسۋدا. جىل سوڭىنا دەيىن بۇقتىرما كوشەسى، قۇلجا تراكتىسى، ساين - موڭكە بي جانە سەيفۋللين - جانسۇگىروۆ كوشەلەرى بويىنداعى جولايرىعىنىڭ قۇرىلىسىن اياقتاۋ جوسپارلانۋدا.
كەڭەس بارىسىندا ءۇش كوشەنى ۇزارتۋ بويىنشا اعىمداعى جۇمىس بارىسى تالقىلاندى. ساين كوشەسىن ءۇزارتۋى كەلەسى جىلى، تولە بي كوشەسىن ۇزارتۋ جەر ۋچاسكەلەرىن ساتىپ الۋ جانە قايتارىپ الۋ مەرزىمدەرىنە بايلانىستى 2024 جىلى اياقتاۋ جوسپارلانىپ وتىر. كەزدەسۋ كەزىندە جالپى ۇزىندىعى 9،3 كم بولاتىن رىسقۇلوۆ داڭعىلى، جۇبانوۆ، قاجىمۇقان كوشەلەرى مەن اباي داڭعىلىن جالعايتىن ءتورت جوبانىڭ جوبالىق-سمەتالىق قۇجاتتاماسىن ازىرلەۋ بارىسى تۋرالى باياندالدى.
قالا اكىمىنە "العاباس"، "المەرەك"، "قايرات" جانە "اقجار" سياقتى ءتورت شاعىناۋداندا جول سالۋ جۇمىستارىنىڭ بارىسى تۋرالى باياندالدى. ءۇش شاعىناۋداندا ("شاڭىراق-1"، "شۇعىلا" جانە "شاپاعات") اتقارىلاتىن جۇمىستار كەزەكتە تۇر. بيىل بارلىعى 70 شاقىرىم جاڭا جولدىڭ قۇرىلىسى جۇرگىزىلۋدە. جول جۇمىستارى ەنەرگەتيكا جانە سۋمەن جابدىقتاۋ باسقارماسىمەن كەلىسە وتىرىپ، ينجەنەرلىك جەلىلەر قۇرىلىسىنىڭ اياقتالۋىنا قاراي ورىندالاتىن بولادى.
ورتاشا جوندەۋ جۇمىستارى اياسىندا ۇزىندىعى 219 شاقىرىم 221 كوشەدە، ونىڭ ىشىندە قالانىڭ 18 ماگيسترالدى كوشەسىندە جۇمىستار جۇرگىزىلۋدە. بۇگىندە 87 كوشەدە ورتاشا جوندەۋ جۇمىستارى اياقتالدى. جولداردىڭ ساپاسىنا كەرى اسەر ەتەتىن نەگىزگى پروبلەمالىق ماسەلەلەر اپاتتى قازۋ فاكتىلەرى، كوممۋنالدىق قىزمەتتەر مەن جەكە قۇرىلىس سالۋشىلاردىڭ جەلىلەردى تارتۋ بويىنشا جوسپارلى جۇمىستار بولدى. قالا اكىمى جۇمىس تيىمدىلىگى مەن ساپاسىن ارتتىرۋ ءۇشىن قالا اۋداندارى باسقارمالارى مەن اكىمدىكتەرىنىڭ ءىس-قيمىلىن ۇيلەستىرۋدى تاپسىردى.
كەزدەسۋ بارىسىندا جول قوزعالىسىن رەتتەۋدىڭ تەحنيكالىق قۇرالدارىنىڭ قىزمەت كورسەتۋى جانە جوندەۋ، جول بەلگىلەرىن سالۋ جانە جاڭارتۋ جۇمىستارىنىڭ بارىسى تۋرالى باياندالدى. جىل باسىنان بەرى 1712 جاڭا جول بەلگىلەرى ورناتىلىپ، 52 باعدارشام نىسانى ىسكە قوسىلدى، 184 مىڭ شارشى مەتر جول بەلگىلەرى جاسالدى، 1200 مەتر جول قورشاۋى ورناتىلدى. الماتى اكىمى ە. دوسايەۆ قالالىق موبيلدىلىك باسقارماسىنا جوندەلگەن ۋچاسكەلەردەگى تاڭبالاردىڭ ساپاسىنا نازار اۋدارۋدى تاپسىردى.
قالا باسشىسىنا جاڭا تەحنولوگيالار مەن ماتەريالداردى قولدانۋ، سونىڭ ىشىندە ليۋكتەردىڭ جاڭا تۇرلەرىن، ماستيكالىق لەنتانى، پوليمەرلى نەگىزدەگى اسفالتبەتون قوسپاسىن جانە ت.ب. پايدالانۋ جونىندەگى ەكسپەريمەنتتىك جۇمىستاردىڭ الدىن الا جاسالعان قورىتىندىلارى ۇسىنىلدى. ە.دوسايەۆ جولداردى سالۋ جانە جوندەۋ كەزىندە جاڭا ماتەريالداردى قولدانۋدى قاراستىرۋعا تاپسىرما بەردى.
مەترونىڭ ەكى ستانسياسىنىڭ پايدالانۋعا بەرىلۋىنە بايلانىستى باعىت جەلىسىن وزگەرتۋ جوسپارلانۋدا، ونىڭ ىشىندە جىل سوڭىنا دەيىن جاقىن ارادا جاڭا ءتورت باعىتتىڭ اشىلۋى جانە اعىمداعى 9 باعىتتى تۇزەتۋ كۇتىلۋدە. قالا باسشىسى قوعامدىق كولىك جۇرگىزۋشىلەرى ءۇشىن اۆتوبۋستارعا ارنالعان ءبۇرىلۋ-وتۋ الاڭدارىن جاقسارتۋعا ەرەكشە نازار اۋدارۋدى تاپسىردى.
كەڭەس بارىسىندا كولىك ءارى جولاۋشىلاردى وتىرعىزۋ توراپتارىن، اۆتوبۋس پاركتەرىن، اۆتوموبيلدىك گاز تولتىرۋ كومپرەسسورلىق ستانسيالارىن (اگتكس) جانە ت. ب. سالۋ ماسەلەلەرى تالقىلاندى.
كەڭەس قورىتىندىسى بويىنشا قالا اكىمى جولايرىقتارى مەن وتپەلى جولداردى سالۋ ءۇشىن جەر ۋچاسكەلەرىن ساتىپ الۋدى جەدەلدەتۋدى، جول بەلگىلەرى مەن باعدارشامداردىڭ ناشار كورىنۋىنە بايلانىستى اعاشتاردى سانيتارلىق كەسۋ جۇمىستارىن كۇشەيتۋدى، سونداي-اق اعىمداعى جىلعا جوسپارلانعان بارلىق جۇمىستاردى كەستەگە سايكەس ورىنداۋدى تاپسىردى.