پوليسەيلەر جاسىرىن ەسىرتكى پريتونىن جويدى.
ەسىرتكى پريتونى جەتىسۋ شاعىن اۋدانىنداعى تۇرعىن ۇيلەردىڭ بىرىندە بولعان، دەپ حابارلايدى Almaty-akshamy.kz.
بۇل تۋرالى ەسىرتكى قىلمىسىنا قارسى كۇرەس باسقارماسى مالىمدەدى.
"ءۇي يەسى مەن ونىڭ كەيبىر قاسىنداعىلاردىڭ تۇرعىلىقتى جەرىن ءتىنتۋ كەزىندە پوليەتيلەن بايلامدارى، وسىمدىك تەكتەس زاتى بار سىرىڭكە قوراپتارى، ەلەكتروندى تارازىلار تابىلدى جانە تاركىلەندى. ۇستالعاندار گاشيش پەن ماريحۋانانى جەكە پايدالانۋ ءۇشىن ساقتاعاندارىن ايتا باستادى. تاركىلەنگەن زاتتاردىڭ شىعۋ تەگى مەن يەسىن انىقتاۋ ماقساتىندا سوت-حيميالىق ساراپتاما تاعايىندالدى. ەسىرتكى زاتتاردى تۇتىنۋ جانە زاڭسىز ساقتاۋ ءۇشىن ورىن ۇيىمداستىرۋ دەرەكتەرى بويىنشا سوتقا دەيىنگى تەرگەۋ امالدارى جۇرگىزىلىپ جاتىر. كۇدىكتىلەر ۋاقىتشا ۇستاۋ يزولياتورىنا قامالدى"، – دەدى الماتى قالالىق پوليسيا دەپارتامەنتى باستىعىنىڭ ورىنباسارى قۋاتبەك ناۋاتوۆ.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.