قازاقستان رەسپۋبليكاسى ۇلتتىق قاۋىپسىزدىك كوميتەتى (ۇقك) اشىق تەڭىزدە «مەليانا» كەمەسىن ۇستاۋ ءساتى بەينەلەنگەن كادرلار جاريالادى. بۇل وپەراسيا ەلدەن زاڭسىز مۇناي ونىمدەرىن شىعارۋ ارەكەتتەرىمەن بايلانىستى، دەپ حابارلايدى almaty-akshamy.kz
«باتىسنەفتەترەيد» ج ش س «مەليانا» تانكەرى ارقىلى مۇناي ونىمدەرىن زاڭسىز ەكسپورتتاۋعا تىرىسقان. بۇل وپەراسيا ءازىربايجاننىڭ Socar Trading مەملەكەتتىك مۇناي كومپانياسى اتىنان جاسالعان. وسىلايشا، بۇل ءىس حالىقارالىق مارتەبەگە يە بولدى. Lenta.ru اقپارات كوزدەرىنىڭ حابارلاۋىنشا، بۇل قىلمىستىق ىسكە ءازىربايجان تاراپىنان كونتراباندالىق مۇنايدى ەكسپورتتاۋ مامىلەسىنە جاۋاپتى باستى تۇلعا يسرافيل يۋزباشيەۆ تە تارتىلعان.
قازىرگى ۋاقىتتا استانا، شىمكەنت قالالارىندا، تۇركىستان جانە ماڭعىستاۋ وبلىستارىندا قاجەتتى جەدەل-ىزدەستىرۋ شارالارى جۇرگىزىلۋدە.
ۇلتتىق قاۋىپسىزدىك كوميتەتىنىڭ پايىمداۋىنشا، نافتا ءونىمى «مەليانا» تانكەرىنە پەشكە ارنالعان ماي جەلەۋىمەن ەكسپورتتالعان.
بۇل ءونىم قازاقستاننىڭ ماڭعىستاۋ وبلىسىندا ورنالاسقان «ماڭعىستاۋ مۇناي وڭدەۋ» ج ش س مۇناي وڭدەۋ كاسىپورنىندا شىعارىلعان.