الماتىدا «ەسەنتاي» وزەنىنىڭ ارناسىندا جاساندى قۇرىلىس جۇيەسى سالىنادى. بۇل تۋرالى الماتى اكىمى ەربولات دوسايەۆ مەدەۋ اۋدانىنىڭ تۇرعىندارىمەن كەزدەسۋ بارىسىندا مالىمدەدى، دەپ حابارلايدى aqshamnews.kz
ونىڭ ايتۋىنشا، بۇل شارالار سۋ تاسقىنىنىڭ قارقىنىن تومەندەتۋگە جانە وزەندەگى مۇزدى تاسقىنداردى توقتاتۋعا مۇمكىندىك بەرەدى.
قالا باسشىسى بيىل مامىر ايىندا جالپى سوماسى 1،9 ملرد تەڭگەگە كاسكاد، بوگەت جانە تۇراقتاندىرعىش جۇيەسىنىڭ قۇرىلىسى باستالعانىن ايتتى. جۇمىستاردى 2024 جىلدىڭ قاراشا ايىندا اياقتاۋ جوسپارلانىپ وتىر.
ەستەرىڭىزگە سالا كەتەيىك، 2022 جانە 2023 جىلدىڭ جەلتوقسان ايلارىندا «ەسەنتاي» وزەنىنىڭ جاعاسىندا مۇزدى سۋ تاسقىنى بولدى. سونىڭ سالدارىنان سۋ دەڭگەيى 1،5 مەترگە كوتەرىلىپ، قورشاۋلار، ورىندىقتار جانە قوقىس جاشىكتەرى زاقىمداندى. 5 مىڭ تەكشە مەتردەن استام قار شىعارىلىپ، زاقىمدالعان ينفراقۇرىلىم قالپىنا كەلتىرىلدى.
