الماتى اكىمى ەربولات دوسايەۆ مەدەۋ اۋدانىنىڭ تۇرعىندارىمەن ەسەپتىك كەزدەسۋدە ەلەكتر جەلىلەرىن جاڭعىرتۋ تۋرالى ايتتى، دەپ حابارلايدى aqshamnews.kz
جىل باسىنان بەرى اۋداندا سىرتقى جارىقتاندىرۋدى جاڭعىرتۋ شەڭبەرىندە 1 650 شام ورناتىلىپ، 23،3 كم كابەل جەلىلەرى اۋىستىرىلدى، تاعى 288 شام ورناتۋ مەن 35،7 كم كابەل جەلىلەرىن اۋىستىرۋ جۇمىسى جۇرگىزىلەدى. جىل سوڭىنا دەيىن اياقتالادى.
سىرتقى جارىقتاندىرۋدى جاڭعىرتۋ شەڭبەرىندە 90 باۋ-باقشا سەرىكتەستىكتەرىندە سىرتقى جارىقتاندىرۋ جەلىلەرىن سالۋعا قوسىمشا جسق ازىرلەنۋدە. جۇمىستى كەلەسى جىلدىڭ باسىندا باستاۋ جوسپارلانۋدا.
"بۇل مەدەۋ اۋدانىن 2025 جىلدىڭ سوڭىنا دەيىن ساپالى كوشە جارىعىمەن 100% قامتاماسىز ەتۋگە مۇمكىندىك بەرەدى"، - دەدى قالا باسشىسى.
سونىمەن قاتار، پيلوتتىق جوبا اياسىندا مەدەۋ اۋدانىندا ەسكەرتكىشتەردى ساۋلەتتىك جارىقتاندىرۋ جۇمىسى باستالدى. ءقازىر جاڭا تەحنولوگيا بويىنشا ەكى ەسكەرتكىش — اباي مەن ش. ءۋاليحانوۆ ەسكەرتكىشىنە جارىق ورناتىلدى. جىل سوڭىنا دەيىن تاعى 18 ەسكەرتكىشتى جارىقتاندىرۋ اياقتالادى.
الماتىدا بارلىعى 4،8 مىڭ كم سىرتقى جارىقتاندىرۋ جەلىلەرى بار. 2024 جىلى ساپالى جارىقتاندىرۋدى قامتاماسىز ەتۋگە اۋدان اكىمدىگىمەن 9،9 ملرد تەڭگە قاراستىرىلعان. قابىلدانىپ جاتقان شارالاردىڭ ارقاسىندا مەگاپوليستە ساپالى سىرتقى جارىقتاندىرۋمەن قامتاماسىز ەتۋ 2024 جىلى 85%-عا، ال 2025 جىلى 100%عا دەيىن جەتكىزىلەدى.