الماتى اكىمى ەربولات دوسايەۆ مەدەۋ اۋدانىنىڭ تۇرعىندارىمەن كەزدەسۋ بارىسىندا اۋدانداعى جول ينفراقۇرىلىمىن دامىتۋ جانە جولاۋشىلار تاسىمالىنىڭ ساپاسىن ارتتىرۋ جۇمىستارى تۋرالى ايتتى، دەپ حابارلايدى aqshamnews.kz
قالا باسشىسى جىل سوڭىنا دەيىن 64 مىڭ شارشى مەتر جول توسەمىنە اعىمداعى جوندەۋ جۇرگىزىلەتىنىن، ءقازىر 43،3 مىڭ شارشى مەتر اسفالتتىڭ جوندەلگەنىن مالىمدەدى.
«سونداي-اق، 26 كوشەدەگى 23 كم جولدى ورتاشا جوندەۋ جوسپارلانعان، ونىڭ 6،6 كم جولى ءقازىردىڭ وزىندە جوندەلدى. بۇعان قوسا، 14،3 كم تروتۋار جانە 17 كم ارىق جەلىسىن سالۋ جۇمىستارى جۇرگىزىلۋدە. جۇمىستى قاراشا ايىندا اياقتاۋ جوسپارلانىپ وتىر»، - دەدى ەربولات دوسايەۆ.
قوعامدىق كولىك قىزمەتىنىڭ ساپاسىنا توقتالعان الماتى اكىمى 2024 جىلى 21 مارشرۋتتاعى اۆتوبۋستار جاڭارتىلىپ، جىلجىمالى قۇرامنىڭ سانى 280-دەن 351-گە دەيىن كوبەيگەنىن ايتتى.
- جالپى، الماتىدا بيىل ورتاشا جوندەۋ جۇمىستارى 250 كم بولاتىن 274 كوشەنى قامتيدى. وسىلايشا، جاقسى جانە قاناعاتتانارلىق جاعدايداعى جولداردىڭ ۇلەسىن 92%-عا دەيىن جەتكىزۋ كوزدەلگەن.
- سونىمەن قاتار، جەرگىلىكتى بيۋدجەت ەسەبىنەن گازبەن جۇرەتىن 600 اۆتوبۋس، 100 ەلەكترلى اۆتوبۋس جانە 112 تروللەيبۋس ساتىپ الىنادى. جەكە اۆتوپاركتەر بيىلعى ءبىرىنشى جارتىجىلدىعىندا گازبەن جۇرەتىن 150 اۆتوبۋس پەن 15 ەلەكترلى اۆتوبۋس ساتىپ الدى.
- وسىلايشا، 2024 جىلى ەكولوگيالىق تازا قوعامدىق كولىكتىڭ ۇلەسى 53،7%-دان 70%-عا دەيىن ارتادى، ال پايدالانۋ مەرزىمىنىڭ ورتاشا ۇزاقتىعى 3 جىلدان 2،5 جىلعا دەيىن قىسقارادى.
بۇعان قوسا، 500 كەلۋشىگە ارنالعان جاڭا ەمحانا سالۋ جانە «الاتاۋ» قالالىق اۋرۋحاناسى مەن №2 ەمحانا عيماراتى جاڭعىرتىلماق. بۇل شارالار ءقازىر اۋداننىڭ 5 ەمحاناسىنا جۇگىنەتىن 3 مىڭنان استام پاسيەنتتىڭ ساپالى مەديسينالىق قىزمەت الۋىنا سەپتىگىن تيگىزەدى.