بۇل تۋرالى الماتىنىڭ ينكليۋزيۆتى ورتانى دامىتۋ جونىندەگى كەڭەسىنىڭ Iء-شى وتىرىسىندا ايتىلدى، دەپ حابارلايدى Almaty-akshamy.kz.
«ەرتە جاستاعى بالالار مەن ولاردىڭ وتباسىلارىنا كومەك كورسەتۋ جانە قولداۋ ماقساتىندا شاھار باسشىسى ەربولات دوسايەۆتىڭ تاپسىرماسى بويىنشا قالانىڭ 8 اۋدانىندا مەكتەپكە دەيىنگى ۇيىمدار بازاسىندا ەرتە ارالاسۋ قىزمەتتەرىن اشۋ جوسپارلانۋدا. بۇل قىزمەتتىڭ قۇرامىنا 56 مامان كىرەدى: ترانسديسيپلينارلىق مامان، دامۋ پەدياترى، پسيحولوگ، ارنايى پەداگوگ، سەنسورلىق ينتەگراسيا جونىندەگى مامان، لوگوپەد، كاسىبي تەراپيەۆت»، — دەدى قالا اكىمىنىڭ ورىنباسارى اسەم ءنۇسىپوۆا.
ەرتە ارالاسۋ ورتالىعى ۆەدومستۆوارالىق ءوزارا ءىس-قيمىل ورگانىنا اينالادى. سول ارقىلى ءتيىستى قىزمەتتەردىڭ قىزمەتىن قارجىلاندىرۋدى جۇزەگە اسىرۋ جوسپارلانادى. ونىڭ نەگىزگى مىندەتى — تاۋەكەل توبىنداعى جانە مۇگەدەكتىگى بار بالالاردىڭ ءبىرىڭعاي دەرەكقورىن قۇرۋ، سونداي-اق قاجەتتى قىزمەتتەردى الۋدىڭ قادامدىق پروسەسىن جولعا قويۋعا سەپتىگىن تيگىزەدى.
