«تازا قازاقستان» رەسپۋبليكالىق باعدارلاماسى اياسىندا الماتى ەكوحابىندا ەرەكشە بالالارعا ارنالعان شەبەرلىك ءدارىسى ءوتتى، دەپ حابارلايدى aqshamnews.kz
الماتىنىڭ ەكوحابىندا «تازا قازاقستان» رەسپۋبليكالىق باعدارلاماسى اياسىندا ەرەكشە قاجەتتىلىگى بار بالالارعا ارنالعان شەبەرلىك ءدارىسى ءوتتى، وندا شىعارماشىلىق پەن ەكولوگيالىق ءبىلىم بەرىلدى. ءىس-شاراعا 30-دان استام قاتىسۋشى، ونىڭ ىشىندە بالالار مەن ولاردىڭ اتا-انالارى، سونداي-اق ەرىكتىلەر مەن تاربيەشىلەر قاتىستى.
شەبەرلىك ءدارىستىڭ باستى ماقساتى ەرەكشە قاجەتتىلىگى بار بالالاردىڭ الەۋمەتتىك ءوزارا ءىس-قيمىلى مەن شىعارماشىلىق قابىلەتىن دامىتۋ ءۇشىن جاعداي جاساۋ. قاتىسۋشىلار قايتا وڭدەلگەن ماتەريالداردان ەكولوگيالىق قولونەر بۇيىمدارىن جاسادى، بۇل ولاردىڭ تالانتىن اشۋعا جانە قورشاعان ورتانى قورعاۋعا ۇلەس قوسۋعا مۇمكىندىك بەردى.
بالالارعا ەكولوگيالىق مادەنيەتتى ساقتاۋدىڭ ماڭىزدىلىعى تۋرالى ايتىلدى، قايتا وڭدەلگەن ماتەريالداردان ءتۇرلى پلاستيكالىق بۇيىمدار جاسالاتىن جابدىقتار كورسەتىلدى، سونداي-اق بالالارعا ەكولوگيالىق اكسياعا قاتىسۋ ءۇشىن ارنايى تيىن - ەكوكوينداردى وزدەرى جاساۋدى ۇسىنىلدى. سونداي-اق، بالالار ءۇشىن ەكو-سومكەلەردى پايدالانۋدىڭ ماڭىزى جانە سانالى تۇتىنۋ داعدىسى جازىلعان شوپپەرلەردىڭ بىرەگەي سۋرەتى بويىنشا شەبەرلىك ءدارىسى وتكىزىلدى.
تاجىريبەلى مۇعالىمدەر مەن ەكوبەلسەندىلەر ساباقتاردى ويىن تۇرىندە وتكىزدى، بۇل وقۋ ۇدەرىسىن بالالارعا قىزىقتى ءارى قولجەتىمدى ەتتى. شەبەرلىك ءدارىسى مۇمكىندىگى شەكتەۋلى بالالاردى قولداۋ مەن دامىتۋعا باعىتتالعان ەكو-حاب ىسكە اسىراتىن ينكليۋزيۆتى وقىتۋ باعدارلاماسىنىڭ ءبىر بولىگىنە اينالدى.
