بۇگىن 16 قازاندا مەديسينالىق قاۋىمداستىق دۇنيەجۇزىلىك انەستەزيولوگ كۇنىن اتاپ وتەدى.
ءدال وسى كۇنى، 1846 جىلى ءتىس دارىگەرى ۋيليام توماس مورتون جانە حيرۋرگ دجون ۋوررەن ناركوزدى قولدانۋ ارقىلى العاشقى قوعامدىق وپەراسيانى جاسادى، دەپ حابارلايدى Almaty-akshamy.kz ق ر دەنساۋلىق ساقتاۋ مينيسترلىگىنىڭ سايتىنا سىلتەمە جاساپ.
اتاۋلى كۇنگە بايلانىستى ق ر دەنساۋلىق ساقتاۋ ءمينيسترى اجار عينيات انەستەزولوگ مامانداردىڭ ەڭبەگىنە توقتالىپ، مەرەكەلەرىمەن قۇتتىقتادى.
«انەستەتيكالىق زات رەتىندە ەفير قولدانىلدى. بۇل مەديسينادا جاڭا ءداۋىردى اشتى: حيرۋرگيالىق ارالاسۋلار مەن مانيپۋلياسيالار ءۇشىن مۇلدەم جاڭا كەڭىستىك بەرگەن اۋىرسىزداندىرۋ ءداۋىرى.
قازاقستاندا وسى ماڭىزدى ماماندىق بويىنشا 3089 دارىگەر جۇمىس ىستەيدى، ولاردى «اۋىرسىنۋعا قارسى سەنىمدى قالقان»، حيرۋرگ دارىگەرلەردىڭ تاپتىرماس ارىپتەستەرى دەپ اتايدى.
ويتكەنى كەز-كەلگەن وپەراسيالىق ارالاسۋدىڭ جانە ءينۆازيۆتى مانيپۋلياسيانىڭ ساتتىلىگى مەن قاۋىپسىزدىگى دۇرىس انەستەزياعا بايلانىستى.
تەك انەستەزيولوگتار اۋىرسىنۋدى باساتىن دارىلەردى شەبەر تاڭداي الادى، «جاسىرىن» تامىرلاردى تاۋىپ، ناۋقاستاردى «توننەلسىز» انەستەزيادان شىعارا الادى، بۇل ءسىزدىڭ بىرەگەيلىگىڭىزدى، شەبەرلىگىڭىزدى جانە ادالدىعىڭىزدى تاعى ءبىر رەت كورسەتەدى.
قۇرمەتتى انەستەزيولوگتار، رەانيماتولوگتار جانە انەستەزيستەر مەرەكە قۇتتى بولسىن! سىزدەرگە قاجىرلى ەڭبەكتەرىڭىز، تۇنگى كەزەكشىلىكتەرىڭىز، بىرنەشە ساعاتتىق وپەراسيالارىڭىز بەن ءاربىر پاسيەنتكە كورسەتكەن كومەكتەرىڭىز ءۇشىن العىس ايتامىن.
سىزدەرگە زور دەنساۋلىق، وتباسىلىق اماندىق، كاسىبي بيىكتەر تىلەيمىن، سونداي-اق پاسيەنتتەرگە ريزاشىلىق بىلدىرەمىن»! - دەدى اجار عينيات.