الماتى قالاسىندا ەپيدەميولوگيالىق جاعداي تۇراقتى. وڭىرلىك كوممۋنيكاسيالار قىزمەتىندە وتكەن بريفينگتە الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل كالىكوۆا 2025 جىلدىڭ ءتورتىنشى اپتاسىندا قالادا ءجرۆي-دىڭ 17 578 جاعدايى تىركەلگەنىن حابارلادى. بۇل كورسەتكىش وتكەن جىلدىڭ وسى كەزەڭىمەن سالىستىرعاندا 1،7 ەسەگە تومەن، الايدا الدىڭعى اپتامەن سالىستىرعاندا 2،7%-عا جوعارى.
مامانداردىڭ ايتۋىنشا، ينفەكسيالاردىڭ ءورشۋى نەگىزىنەن بالالار اراسىندا بايقالادى، ءبىراق اۋرۋ دەڭگەيى باقىلاۋدىڭ شەگىنەن اسپايدى.
ەپيدەميولوگيالىق ماۋسىم باستالعالى (2024 جىلدىڭ 1 قازانىنان باستاپ) 297 756 جرۆي جاعدايى تىركەلدى، ولاردىڭ 62،7%-ىن بالالار قۇرايدى. زەرتحانالىق زەرتتەۋلەردىڭ ناتيجەسىندە قالادا تۇماۋ ۆيرۋستارىمەن قاتار، رينوۆيرۋس، بوكاۆيرۋس، ادەنوۆيرۋس جانە باسقا دا جرۆي قوزدىرعىشتارى ءجۇرىپ جاتقانى انىقتالدى.
قالا اۋماعىندا سەگىز قاداعالاۋ ورتالىعى جۇمىس ىستەيدى، ونىڭ تورتەۋى ەمحانالاردا، قالعان تورتەۋى ستاسيونارلاردا ورنالاسقان. بۇل ورتالىقتاردا جەدەل رەسپيراتورلىق ينفەكسيالارعا تۇراقتى باقىلاۋ جۇرگىزىلۋدە.
سانيتارلىق-ەپيدەميولوگيالىق قىزمەت ماماندارى سىرقاتتانۋشىلىقتىڭ ءوسۋ كەزەڭىندە الدىن الۋ شارالارىن ساقتاۋ قاجەتتىگىن ەسكە سالادى: ادام كوپ جينالاتىن ورىنداردان اۋلاق بولۋ، ماسكا تاعۋ، يممۋنيتەتتى نىعايتۋ جانە اۋرۋ بەلگىلەرى پايدا بولعان جاعدايدا ۋاقىتىلى دارىگەرگە قارالۋ.