ۆاكسيناسيا تۇماۋ ءقاۋپىن ازايتادى. بۇل تۋرالى الماتى قالاسىنىڭ سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا وڭىرلىك كوممۋنيكاسيالار قىزمەتىنىڭ بريفينگىندە حابارلادى، دەپ حابارلايدى aqshamnews.kz
ونىڭ ايتۋىنشا، الماتىدا 2024 جىلدىڭ قاراشا ايىنان باستاپ تۇماۋدىڭ 168 جاعداي، ولاردىڭ كوبى ۆاكسيناسيا الماعان ازاماتتار اراسىندا تىركەلگەن. ۆاكسيناسيا الدىن الۋدىڭ ەڭ ءتيىمدى شاراسى بولىپ قالا بەرەدى.
ناۋقاستاردىڭ كوپشىلىگى (72%) ا/H1N1 ءتيپتى تۇماۋ ۆيرۋسىن، قالعاندارى ۆ ءتيپتى ۆيرۋستى جۇقتىرعان.
ستاتيستيكا كورسەتكەندەي، جاعدايلاردىڭ ەڭ كوپ پايىزى ءارتۇرلى سالاداعى جۇمىسشىلار (27،9%)، جۇكتى ايەلدەر (23،8%) جانە بالالار (23،2%) اراسىندا تىركەلگەن. سونداي-اق، ءقاۋىپ توبىندا ستۋدەنتتەر، زەينەتكەرلەر جانە جۇمىس ىستەمەيتىن ازاماتتار بولدى.
مامان ينفەكسيانىڭ نەگىزگى سەبەبى ۆاكسيناسيادان باس تارتۋ بولىپ قالا بەرەتىنىن اتاپ ءوتتى. كۇزگى ماۋسىمدا الماتىنىڭ 232 830 تۇرعىنى تۇماۋعا قارسى ەكپە الدى، بۇل حالىقتىڭ 10،16% قۇرايدى.
دارىگەرلەر قالا تۇرعىندارىنا كەلەسى اۋرۋ تولقىنىنا دەيىن ۆاكسيناسيادان وتۋگە جانە قاراپايىم پروفيلاكتيكالىق شارالاردى ساقتاۋعا كەڭەس بەرەدى: اۋرۋ جۇقتىرعان ادامنان اۋلاق بولۋ، بولمەلەردى ۇنەمى جەلدەتۋ جانە اۋرۋدىڭ العاشقى بەلگىلەرى پايدا بولعان كەزدە دارىگەرگە جۇگىنۋ.