قازاقستاندىق سايا ءقىدىرالى حالىقارالىق IELTS ەمتيحانىنان ەڭ جوعارى 9.0 ۇپاي جيناپ، الەمدىك رەكورد جاڭارتتى. بۇل تۋرالى اqshamnews.kz سايتى حابارلايدى.
رەسمي دەرەكتەرگە سايكەس، مۇنداي ناتيجەگە تەست تاپسىرۋشىلاردىڭ نەبارى 0،5%-ى عانا قول جەتكىزە الادى. 17 جاستاعى سايا بۇل جەتىستىككە تاباندى ەڭبەگىنىڭ ارقاسىندا جەتكەن. ول اعىلشىن ءتىلى ەمتيحانىنا 11 جاسىنان باستاپ دايىندالىپ، ءوز كورسەتكىشىن 6.5-تەن 9.0-گە دەيىن جاقسارتقان.
IELTS (International English Language Testing System) – الەمدەگى ەڭ بەدەلدى حالىقارالىق اعىلشىن ءتىلى تەستتەرىنىڭ ءبىرى. ول تىڭداۋ، وقۋ، جازۋ جانە سويلەۋ داعدىلارىن باعالايدى. سايانىڭ بۇل كورسەتكىشى ونىڭ اعىلشىن ءتىلىن انا ءتىلى دەڭگەيىندە مەڭگەرگەنىن دالەلدەيدى.
جاس تالانتتىڭ جەتىستىگى – قازاقستانداعى ءبىلىم بەرۋ جۇيەسىنىڭ الەۋەتىن كورسەتەتىن ماڭىزدى كورسەتكىش. بۇل بولاشاقتا قازاق جاستارىنىڭ حالىقارالىق دەڭگەيدە ۇلكەن جەتىستىكتەرگە جەتە الاتىنىن دالەلدەيدى.