الماتىدا جرۆي مەن تۇماۋ بويىنشا ەپيدەمولوگيالىق جاعداي تۇراقتى. وتكەن اپتادا قالا اۋماعىندا جرۆي – نىڭ 9890 جاعدايى تىركەلدى، بۇل وتكەن اپتانىڭ كورسەتكىشى دەڭگەيىندە جانە وتكەن جىلدىڭ ۇقساس كەزەڭىنىڭ كورسەتكىشىنەن 9،8% - عا تومەن. بۇل تۋرالى وكق الاڭىندا الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا كەڭىرەك ايتىپ بەردى، دەپ حابارلايدى aqshamnews.kz
ءا.قالىقوۆانىڭ كەلتىرگەن دەرەكتەرىنە ساي، قالادا ماۋسىم باستالعاننان بەرى تۇماۋدىڭ ا/H3N2 ءتيپتى ۆيرۋسى تارالعان، تۇماۋمەن سىرقاتتانۋشىلىقتىڭ بارلىعى 232 جاعدايى تىركەلدى.
«اعىمداعى جىلدىڭ 7 ايىندا ءجرۆي-نىڭ 447 062 جاعدايى تىركەلدى، سىرقاتتانۋشىلىق كورسەتكىشى 19 500،83 قۇرادى، بۇل وتكەن جىلدىڭ سايكەس كەزەڭىمەن سالىستىرعاندا 8،8% - عا جوعارى. سىرقاتتانىپ قالعانداردىڭ 61،7%-ىن بالالار قۇراپ وتىر»، - دەپ ءبولىستى ول.
ەپيدەمياعا دەيىنگى ماۋسىمنىڭ باسىنان باستاپ ناۋقاستاردان الىنعان 348 ماتەريال تۇماۋعا ءتان ەمەس ينفەكسيالارعا زەرتتەلدى، ونىڭ ىشىندە 115 پتر ءادىسى ارقىلى تەكسەرىلدى: 57 سىنامادان رينوۆيرۋس، 11 سىنامادان پاراگريپپ، 22 سىنامادان رس، 5- سىنامادان مەتاپنيەۆموۆيرۋس، 5 سىنامادان بوكاۆيرۋس، 6 سىنامادان -ادەنوۆيرۋس، 9 سىنامادان ماۋسىمدىق كوروناۆيرۋس انىقتالدى.
سونداي-اق، سovid-19-عا ناۋقاستاردان 290 سىناما الىنىپ زەرتتەلدى، ونىڭ ىشىندە 58ء-ى وڭ ناتيجە كورسەتتى.
«تاۋەكەل توبىنداعى» ادامداردى ۆاكسيناسيالاۋ ءۇشىن 210 000 دوزا مولشەرىندە ءۇش ۆالەنتتى تۇماۋعا قارسى «گريپپول پليۋس» ۆاكسيناسى ساتىپ الىندى. تۇماۋعا قارسى ۆاكسيناسيا قىركۇيەك ايىنان باستالىپ، قاراشا ايىنىڭ اياعىنا دەيىن جالعاسادى.
«2023 جىلى جەرگىلىكتى بيۋدجەت قاراجاتىنان «تاۋەكەل توبىنداعى» ادامداردى ۆاكسيناسيالاۋ ءۇشىن 250 000 دوزا مولشەرىندە رەسەيدە وندىرىلگەن تۇماۋعا قارسى «گريپپول پليۋس» ءۇش ۆالەنتتى ۆاكسينا ساتىپ الىندى. جالپى الماتى قالاسى بويىنشا تۇماۋعا قارسى 257 495 ادام ەگىلدى، بۇل قالانىڭ جالپى حالقىنىڭ 11،5% - قۇرادى، ونىڭ ىشىندە 250 000-ى «تاۋەكەل توبىنداعى» ادامدار»، - دەپ تولىقتىردى ءا.قالىقوۆا.
سونىمەن قاتار، جاڭا ەپيدەميولوگيالىق ماۋسىمعا دايىندىق بارىسىندا قالانىڭ مەديسينالىق مەكەمەلەرىندە ۇيدە قىزمەت كورسەتۋگە ارنالعان قوسىمشا كەرەۋەتتەر مەن اۆتوكولىكتەر قاراستىرىلعان، سونداي-اق تۇماۋعا قارسى پرەپاراتتار مەن مەديسينالىق ماسكالار قورى دايىندالعان.
الماتى قالاسىنىڭ ۇلتتىق ساراپتاما ورتالىعىنىڭ فيليالىندا تۇماۋ ۆيرۋستارى مەن باسقا دا جرۆي اينالىمىنا زەرتحانالىق مونيتورينگ جۇرگىزۋگە ارنالعان تەست جۇيەسى بار.