مەگاپوليستە كوروناۆيرۋس جۇقتىرعانداردىڭ كۇندەلىكتى تىركەۋى 1500 جاعدايدان استى. بۇل تۋرالى وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا الماتى قالاسى سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا مالىمدەدى.
ءا. قالىقوۆانىڭ ايتۋىنشا، شىلدەدە جۇقتىرعاندار سانى 25 500-دەن اسقان، جىل باسىنان بەرى الماتىدا 81 مىڭنان استام ادام كوروناۆيرۋس جۇقتىرعان. سوڭعى ءتورت كۇندە 6 266 جۇقتىرۋ جاعدايى تىركەلدى.
الماتى ەپيدەميولوگتارى تامىز ايىندا كۆي ينفەكسياسىنىڭ 34،5 مىڭ جاعدايىن، قىركۇيەكتە 4،5 مىڭ جاعدايعا دەيىن تومەندەۋىن بولجاپ وتىر.
«ءبىر اپتا ىشىندە الماتىدا كۆي اۋرۋىن تىركەۋ 1،5 ەسەگە ءوستى – 6 397-دەن 9 852 جاعدايعا دەيىن، كۇندەلىكتى ءوسىم 1،7% قۇرادى. وتكەن اپتاعا قاراعاندا سيمپتومدى ناۋقاستار ۇلەسىنىڭ ارتۋى 90%-دان 92%-عا ءوستى»، - دەدى اسەل قالىقوۆا.
سەبد باسشىسىنىڭ ورىنباسارىنىڭ ايتۋىنشا، جۇقتىرعاندار سانىنىڭ ءوسۋىن توقتاتۋ ءۇشىن قالادا ۆاكسينالاۋ قارقىنىن ارتتىرۋ قاجەت.
«بۇگىن ءبىز جاستار اراسىندا دەرتتىڭ اسقىنعانىن جانە اۋرۋدىڭ اۋىر ءتۇرىن تىركەۋدەمىز. بۇل ۆيرۋستىڭ جاڭا، جۇقپالى شتامدارىنا بايلانىستى. ينفەكسيا تەز تارالادى جانە ءجيى اۋىر اسقىنۋلارعا اكەلەدى. ونىڭ تارالۋىن توقتاتۋدىڭ، تۇرعىنداردىڭ دەنساۋلىعى مەن ءومىرىن ساقتاپ قالۋدىڭ جالعىز جولى – كوروناۆيرۋسقا قارسى ۆاكسيناسيا»، - دەپ جالعاستىردى ءسوزىن ءا. قالىقوۆا.
ەسكە سالساق، قالادا مەديسينالىق ۇيىمداردا، مەكتەپتەردە، مادەنيەت جانە سپورت نىساندارىندا، بازارلاردا جانە قالانىڭ ساۋدا ويىن-ساۋىق ورتالىعىندا 167 ەكپە پۋنكتى بار. 1038 ادامنان تۇراتىن 234 ەكپە بريگاداسى جۇمىلدىرىلعان.