دەرت اۋىر جانە بۇكىل دەنەگە ەكى ەسە تەز اسەر ەتەدى.
الماتىدا كوروناۆيرۋستىڭ «دەلتا» شتامى كوبىنە ەكپە سالدىرىپ ۇلگەرمەگەن جاستارعا جۇعۋدا. ۆيرۋس جۇقتىرعانداردىڭ 37%-ى - 20 مەن 40 جاس ارالىعىنداعى الماتىلىقتار. بۇل دەرەكتەردى الماتى قالاسى سانيتارلىق-ەپيدەميولوگيالىق باقىلاۋ باسقارماسى باسشىسىنىڭ ورىنباسارى اسەل قالىقوۆا وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا ايتتى، دەپ حابارلايدى Almaty-akshmy.kz.
ەپيدەميولوگتىڭ ايتۋىنشا، «دەلتا» نۇسقاسى كلاسسيكالىق "ۋحان" شتامىنان ەكى ەسە زالالدى. كوروناۆيرۋستىڭ جاڭا ءتۇرىن جۇقتىرعان ناۋقاستاردا اۋرۋدىڭ سيمپتومدارى وزگەردى. ادامداردىڭ ءيىستىڭ بولماۋىنا شاعىمدانۋى ازايىپ، اۋرۋدىڭ باسقا ءبىر ەرەكشەلىگىن بايقاعاندار كوبەيدى. كوروناۆيرۋس جۇقتىرعاندار اراسىندا اسقازان-ىشەك دەرتتەرى اسقىنعان.
سونىمەن قاتار، COVID-19 «دەلتا» شتامى يممۋنيتەتى مىقتى، دەنى ساۋ جاستارعا دا جۇعادى. دەرت اۋىر جانە بۇكىل دەنەگە ەكى ەسە تەز اسەر ەتەدى.
«سوڭعى ەكى اپتاداعى جاس قۇرىلىمىن تالداۋ جاسوسپىرىمدەر اراسىندا كۆي تارالۋىنىڭ ۇلەسى 0،7%-عا، ال 40-59 جاستاعى ازاماتتار اراسىندا 0،8%-عا وسكەنىن كورسەتتى. نەگىزىنەن، كوروناۆيرۋس جۇقتىرۋ 20-40 جاس ارالىعىنداعى جاستاردا – 37%-دا، 40-59 جاستاعى ازاماتتاردا - 25%-دا، 60 جاستان اسقان ادامداردا – 19%-دا جانە 14 جاسقا دەيىنگى بالالاردا – 13%-دا كەزدەسەدى»، - دەدى ءا.قالىقوۆا.
سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى قولدا بار ۆاكسينالار كوروناۆيرۋستىڭ جاڭا نۇسقالارىنان قورعانۋعا ىقپال ەتەتىنىن اتاپ ءوتتى. سونداي-اق كارانتين تالاپتارىن، بەتپەردە تاعۋ رەجيمىن قاتاڭ ساقتاۋ، ادامدار كوپ جينالاتىن جەرلەرگە بارماۋ، بايلانىستاردى شەكتەۋ قاجەت.
اسەل قالىكوۆا قالا تۇرعىندارى كارانتيندىك تالاپتاردى بۇزۋدى جالعاستىرىپ جاتقانىن، توي ۇيىمداستىراتىنىن، جۇمىس ۋاقىتىنان تىس ىستەپ جاتقان ادام لىق تولى مەكەمەلەرگە باراتىنىن، وزدەرىن جانە جاقىندارىن ينفەكسيا جۇقتىرۋعا ىقپال ەتەتىندەرىن ايتتى.
ىقتيمال جۇقتىرۋ ورىندارى بويىنشا قالا ماڭىنا ساياحات كەزىندە ينفەكسيالاردىڭ ءوسۋى - 2%، دەمالىس ساياباقتارى مەن جاياۋ جۇرگىنشىلەر كوشەلەرىندە - 1%، بانكتەردە، پوشتا بولىمشەلەرى مەن حالىققا قىزمەت كورسەتۋ ورتالىقتارىندا - 0،9%، ءدارىحانالاردا - 0،9%-عا، وتباسىلىق شارالارعا قاتىسقاندا - 0،7%-عا، قوعامدىق تاماقتانۋ ورىندارىندا - مەيرامحانالار، كافەلەر مەن تۇنگى كلۋبتاردا - 0،2%-عا.
تاۋەكەل ايماعىندا ءالى دە «اشىق» يممۋنيتەتتى، ۆاكسينالانباعان ادامدار بار، ال ولاردىڭ سانى الماتىدا ەكپە العاندارعا قاراعاندا كوپ. جالپى العاندا، ۆاكسينالاۋ ناۋقانىنىڭ بارلىق كەزەڭىندە الماتى قالاسىنىڭ 725 575 تۇرعىنى ءبىرىنشى كومپونەنتتى سالدىردى. وتكەن تاۋلىكتە 4 971 ادام ەكپە الدى. ۆاكسينالانعان ادامداردىڭ ىشىندە 99 587 ادام - 60 جاستان اسقاندار.
«كوروناۆيرۋسقا قارسى ءتيىمدى«ۇجىمدىق» يممۋنداۋ تۋرالى حالىقتىڭ 70%-دان كەم ەمەسى ۆاكسينا العان كەزدە عانا ايتۋعا بولادى. مەن بارلىق قالا تۇرعىندارىن ۆاكسينا الۋعا شاقىرامىن، ويتكەنى ەڭ ناشار جاعدايدا ءبىزدى ودان دا كوپ جۇقتىرعان ادامدار كۇتەدى. ءقازىردىڭ وزىندە دارىگەرلەر مەن مەديسينا قىزمەتكەرلەرىنە ۇلكەن جۇكتەمە ءتۇسىپ وتىر»، - دەيدى ءا. قالىقوۆا.
سانيتارلىق-ەپيدەميولوگيالىق ۆەدومستۆو باسشىسىنىڭ ورىنباسارى الماتىلىقتاردى ءۇندىستان، تايلاند، فيليپپين، ميانما، ۇلىبريتانيا، رەسەي سەنارييلەرىن قايتالاماۋعا شاقىردى. الماتىدا كوروناۆيرۋس ينفەكسياسىنىڭ 1 540 جاعدايى تىركەلدى، ونىڭ 1404ء-ى سيمپتومدى. ينفەكسيالىق ستاسيونارلاردا 4 930 ادام بار، ونىڭ ىشىندە 240 بالا. بارلىعى 7045 ورىن دايىندالدى.
بۇگىندە ينتەنسيۆتى تەراپيا جانە رەانيماسيا بولىمىندە 310 پاسيەنت بار، 42 ادام ءوجج اپپاراتىنا قوسىلعان، 134 ادام ءينۆازيۆتى ەمەس ءوجج اپپاراتىندا، High flow اپپاراتىندا – 111 ناۋقاس. بۇگىندە 10 070 ناۋقاس ۇيلەرىندە امسك پەن تەلەمەديسينا ورتالىعىنىڭ ءموبيلدى توپتارىنىڭ باقىلاۋىندا.