جاپونيا استاناسى جاھانداعى اسا ءىرى ءھام دامىعان شاھارلاردىڭ قاتارىنا كىرەدى. وسىعان وراي كۇنشىعىس ەلى تۋرالى 5 قىزىقتى مالىمەتپەن بولىسەمىز.
بيىلعى XXXII وليمپيادا ويىندارى ءدال وسى شاھاردا بولىپ جاتىر. الەمدەگى الىپ مەگاپوليستىڭ قىزىقتى جاقتارى مەن ءومىر ءسۇرۋ ەرەكشەلىكتەرىنە نازار اۋدارىلدى، دەپ حابارلايدى Almaty-akshamy.kz.
• توكيو قالاسىن بۇگىنگى جاپوندىقتاردىڭ اتا-بابالارى تاس بالتالار داۋىرىندە دە مەكەندەگەن. ارادا سان مىڭداعان كەزەڭدەر وتسە دە، قالا ءومىر ءسۇرۋىن جالعاستىرىپ كەلەدى.
• ءوزىنىڭ يەسىنە دەگەن ادالدىعىنىڭ ارقاسىندا بۇكىل الەمگە ايگىلى يت حاتيكو ولگەنشە قوجايىنىن ءدال وسى جەردە توسقان. ناقتىراق ايتساق، توكيوداعى شيبۋيا ستانسياسىندا كۇتىپتى. ءدال سوندا وعان ارناپ ەسكەرتكىش ورناتىلعان.
• توكيو - دۇنيەجۇزىندەگى ەڭ ءقاۋىپسىز ءارى ۇلكەن قالا. مۇندا ءجۇرىپ-تۇرۋدىڭ سونشالىقتى قاۋىپسىزدىگىنە تاڭ قالاسىز. ءتىپتى 1 سىنىپتىڭ وقۋشىسى قوعامدىق كولىكتە ارى-بەرى قاتىناس جاساي بەرەتىن كورىنەدى.
• جاپونيا استاناسىنىڭ ماڭىنداعى حالىق قالانىڭ وزىنە قاراعاندا ەكى ەسە كوپ. ەڭ قىزىعى، قالا مەن ونىڭ اينالاسىندا 35 ميلليوننان استام ادام تۇرادى. بۇل چەرنوگوريا حالقىنان شامامەن 60 ەسە كوپ.
• ەل استاناسى جاپونيا اۋماعىنىڭ نەبارى 0،6%-ىن عانا الادى. ءبىراق جالپى ىشكى ءونىمنىڭ ۇشتەن ءبىر بولىگىمەن قامتاماسىز ەتەدى.