جاستار مەن ءبىتىرۋشى تۇلەكتەردى جۇمىسپەن قامتۋ ماقساتىندا الماتىدا ەڭبەك جارمەڭكەسى ءوتتى، دەپ حابارلايدى اlmaty-akshamy.kz.
ءىس-شاراعا 50-دەن استام كومپانيا، 18 ورتا وقۋ جانە 4 جوعارى وقۋ ورنىنىڭ وكىلدەرى قاتىستى. جۇمىس ۇسىنۋشىلاردىڭ قاتارىندا قۇرىلىس، مەيرامحانا بيزنەسى جانە قىزمەت كورسەتۋ سالاسىنىڭ مەكەمەلەرى بولدى. جىل سايىن وتكىزىلەتىن فەستيۆال بيىل ناۋرىزباي اۋدانىندا ۇيىمداستىرىلدى.
«ءبىلىمدى ۇلت»، «ساپالى ءبىلىم» ۇلتتىق جوباسىن جۇزەگە اسىرۋ ماقساتىندا جىلدا ەڭبەك جارمەڭكەسى ۇيىمداستىرىلادى. مۇنداي ءىس-شارالار NEET ساناتىنداعى جۇمىسسىز جاستاردىڭ ازايۋىنا سەبەپشى. سونداي-اق، جۇمىسقا ورنالاستىرۋشى مۇددەلى قۇرىلىمداردىڭ بىلىكتىلىگىن دە ارتتىرادى. 2024 جىلعى جارمەڭكەگە 5 مىڭعا جۋىق ستۋدەنت پەن ەرىكتى قاتىستى.
- الماتى قالاسى بويىنشا جارمەنكەگە شاقىرىلىعان 65 مەكەمەدەي بار. باستى ماقسات - ەكونوميكامىزدى دامىتۋ. قالا بويىنشا جۇمىس ورىندارى تاپشى. قازىرگى ۋاقىتتا ەڭبەك نارىعىندا قانداي سۇرانىس بارىن انىقتاۋدى كوزدەيمىز، - دەيدى الماتى كوپسالالى كوللەدجى ديرەكتورىنىڭ ورىنباسارى باۋىرجان ەنكەنوۆ.
ەلىمىزدە تەحنيكالىق باعىتتا جۇمىس ىستەيتىن مامان تاپشى. اسىرەسە، اۆتوماتتاندىرۋ سالاسىنا، ءوندىرىس زاۋىتتارىنا تەحنيكالىق كادرلار قاجەت. ناۋرىزباي اۋدانىندا وقىپ جاتقان 40 مىڭ ستۋدەنتتىڭ وسى قاتاردى تولىقتىراتىنىنا سەنەمىز، دەدى اۋدان اكىمىنىڭ قىزمەتكەرى.
- ءبىزدىڭ اۋدانىمىزدا قۇرىلىس سالاسىندا كوپسالالى كوللەدج بار، ەكونوميكالىق كوللەدج بار. ولار قازىرگى تاڭدا نارىققا قاجەتتى ماماندىقتاردى وقىتۋدا. ەرتەڭ تۇلەكتەرىمىز قولىنا ديپلوم الىپ، ەڭبەك جولىن باستايدى، - دەيدى اۋەزوۆ اۋدانى اكىمىنىڭ ورىنباسارى بانۋ ماناپوۆا.
- جارمەڭكەدە ماماندىعىمىز بويىنشا جۇمىس قاراي الاتىنىمىزعا قۋانىشتىمىز. كەلەشەكتە تەوريالىق جانە تاجىريبەلىك مۇمكىندىگىمىزدى جاقسى دەڭگەيدە كورسەتە الامىز دەپ ويلايمىن، - دەدى الينا راو ستۋدەن.
ايتا كەتەيىك، بۇل باعىتتا بىلتىر ءبىلىم باسقارماسىنىڭ باستاماسىمەن «jobfair365» قوسىمشاسى ازىرلەنگەن ەدى. سونداي-اق، قالادا مانساپ ورتالىقتارى دا ىسكە قوسىلعان.