ۇكىمەتتە ق ر پرەمەر-مينيسترىنىڭ ءبىرىنشى ورىنباسارى رومان سكلياردىڭ توراعالىعىمەن ينۆەستيسيالىق شتابتىڭ جاڭا فورماتتاعى ءبىرىنشى وتىرىسى ءوتتى.
ەسكە سالا كەتەيىك، وسى جىلدىڭ جەلتوقسان ايىنىڭ باسىندا مەملەكەت باسشىسى قاسىم-جومارت توقايەۆ ينۆەستيسيالار تارتۋ جونىندەگى كەڭەسكە (ينۆەستيسيالىق شتابقا) ەرەكشە وكىلەتتىكتەر بەرەتىن جارلىققا قول قويدى.
وتىرىستى اشا وتىرىپ، رومان سكليار ينۆەستيسيالىق شتاب مۇشەلەرىنىڭ الدىنا قويىلعان باستى مىندەت ينۆەستيسيالىق جوبالاردى جەدەل تۇردە ىسكە اسىرۋ جانە جالپى ينۆەستيسيالاردى تارتۋ بويىنشا جۇمىستىڭ تيىمدىلىگىن ارتتىرۋ ەكەنىن اتاپ ءوتتى، دەپ حابارلايدى Almaty-akshamy.kz Primeminister.kz-كە سىلتەمە جاساپ.
«ينۆەستيسيالىق شتابتىڭ نەگىزگى مىندەتتەرىنىڭ ءبىرى – بارلىق دەڭگەيدەگى ينۆەستيسيالىق جوبالاردىڭ پروبلەمالىق ماسەلەلەرىن شەشۋ. ول ءۇشىن قاجەتتى قۇرالدار مەن وكىلەتتىكتەردىڭ بارلىعى بار»، — دەدى ءبىرىنشى ۆيسە-پرەمەر.
سونىمەن قاتار ر. سكليار ورتالىق جانە جەرگىلىكتى اتقارۋشى ورگاندار باسشىلارىنىڭ جۇرگىزىلىپ جاتقان جۇمىس ناتيجەلەرى ءۇشىن جاۋاپكەرشىلىگى ارتتىرىلعانىن ايتىپ ءوتتى.
وتىرىس بارىسىندا ينۆەستيسيالىق شتاب قىزمەتىنىڭ جاڭا تاسىلدەرى قارالىپ، ناقتى ينۆەستيسيالىق جوبالاردى ىسكە اسىرۋدىڭ وزەكتى ماسەلەلەرى تالقىلاندى.
وتىرىس قورىتىندىسى بويىنشا رومان سكليار ينۆەستورلاردىڭ بارلىق پروبلەمالىق ماسەلەسىن قىسقا مەرزىمدە شەشۋ ءۇشىن مەملەكەتتىك ورگاندار مەن ۇيىمدارعا ءبىرقاتار قاجەتتى تاپسىرما بەردى.