الماتىدا ەمدەلۋشى دارىگەردىڭ كيىمدەرىن ۇرلاپ كەتكەن

زاتتار يەسىنە قايتارىلدى.

الماتى اۋرۋحاناسىندا ەر ادام دارىگەردىڭ كۇرتەشەسى مەن اياق كيىمىن ۇرلاپ كەتكەن، دەپ حابارلايدى Almaty-akshamy.kz Polisia.kz سايتىنا سىلتەمە جاساپ.

«مەديسينالىق كومەك العان 30 جاستاعى ەر ادام اۋرۋحاناعا جاتقىزىلعاننان كەيىنگى كۇنى رۇقساتسىز، ءوز ەركىمەن اۋرۋحانادان كەتۋگە شەشىم قابىلدادى. ءبىراق ناۋقاستىڭ جىلى كيىمى جانە اياق كيىمى بولماعاندىقتان، ول قىزمەتكەرلەر بولمەسىنە كىرىپ، ءوزىنىڭ ولشەمىنە كەلەتىن  قولايلى كيىمدەردى العان. بۇل حيرۋرگ-دارىگەردىڭ زاتتارى بولىپ شىقتى. بەينەباقىلاۋ كامەرالارىنىڭ، سونداي-اق ارنايى بازانىڭ كومەگىمەن كۇدىكتىنىڭ ساۋساق ىزدەرىن باقىلاۋ ارقىلى ونىڭ جەكە باسىن ناقتى انىقتاۋ مۇمكىن بولدى. قىلمىسكەردى «ءىزىن سۋىتپاي» ۇستادى، – دەپ حابارلادى مەدەۋ اۋداندىق پب جانىنداعى پوليسيا ءبولىمىنىڭ باستىعى ەدىلحان بايعارايەۆ.

وڭاي اقشاعا اۋەس ادام قاراجاتتى جۇمساپ ۇلگەردى. اتالعان دەرەك بويىنشا ق ر قك-نىڭ 188-بابىنا (ۇرلىق) سايكەس قىلمىستىق ءىس قوزعالىپ جاتىر. ۇستالعان ادام جاساعان ىس-ارەكەتىن جوققا شىعارماي، بىردەن مويىندادى.