ەلىمىزدىڭ ءبىرقاتار وڭىرىندە اۋا رايى جايسىز بولادى

سوعان بايلانىستى تۇرعىندارعا سينوپتيكتەر تاراپىنان ەسكەرتۋ جاسالدى.

ەرتەڭ قازاقستاننىڭ كەي وڭىرىندە كوكتايعاق، تۇمان بولماق، دەپ حابارلايدى Almaty-akshamy.kz "قازگيدرومەتكە" سىلتەمە جاساپ.

اقمولا وبلىسىنىڭ سولتۇستىگى مەن باتىسىندا تاڭەرتەڭ جانە كۇندىز جاياۋ بۇرقاسىن، كوكتايعاق كۇتىلەدى. وبلىستىڭ وڭتۇستىگى مەن باتىسىندا تۇندە جانە تاڭەرتەڭ تۇمان تۇسەدى. وبلىستىڭ سولتۇستىك-باتىسى مەن شىعىسىندا وڭتۇىستىك-باتىستان سوعاتىن جەل ەكپىنى 15-20 م/س-قا جەتەدى. كوكشەتاۋ قالاسىندا كۇندىز جاياۋ بۇرقاسىن كۇتىلەدى. وڭتۇستىك-باتىستان سوعاتىن جەل ەكپىنى تاڭەرتەڭ جانە كۇندىز 15 م/س-قا دەيىن جەتەدى.

اتىراۋ وبلىسىنىڭ باتىسى، شىعىسى مەن ورتالىعىندا تۇمان ءتۇسۋى بولجانىپ وتىر. اتىراۋ قالاسىندا تۇندە جانە تاڭەرتەڭ تۇمان كۇتىلەدى.

جامبىل وبلىسىنىڭ سولتۇستىگى مەن تاۋلى اۋداندارىندا تۇمان بولادى. 26 اقپاندا كۇندىز وبلىستىڭ سولتۇستىك-شىعىسى مەن تاۋلى اۋداندارىندا سولتۇستىك-شىعىستان سوعاتىن جەل ەكپىنى 15-20 م/س جەتەدى. تارازدا تۇندە جانە تاڭەرتەڭ تۇمان كۇتىلەدى.

باتىس قازاقستان وبلىسىنىڭ سولتۇستىگىندە كوكتايعاق بولادى. وبلىستىڭ سولتۇستىگى مەن باتىسىندا تۇمان. ورال قالاسىندا دا تۇندە تۇمان تۇسەدى، كوكتايعاق.

قاراعاندى وبلىسىنىڭ باتىسى، سولتۇستىگى مەن شىعىسىندا تۇمان بولماق. قاراعاندىنىڭ وزىندە تۇندە جانە تاڭەرتەڭ تۇمان ءتۇسۋى ىقتيمال. جەزقازعان قالاسىندا تۇندە جانە تاڭەرتەڭ تۇمان بولماق.

قوستاناي وبلىسىنىڭ سولتۇستىك-باتىسىندا جاياۋ بۇرقاسىن، كوكتايعاق كۇتىلەدى. وبلىستىڭ وڭتۇستىگى مەن شىعىسىندا تۇمان ءتۇسۋى مۇمكىن وبلىستىڭ سولتۇستىك-باتىسىندا جەلدىڭ جىلدامدىعى 15-20 م/س جەتەدى. قوستاناي قالاسىندا وڭتۇستىك-باتىستان سوعاتىن جەل ەكپىنى 15-20 م/س. كۇندىز جاياۋ بۇرقاسىن، كوكتايعاق بولادى.

قىزىلوردا وبلىسىنىڭ سولتۇستىگىندە تۇمان كۇتىلەدى.

پاۆلودار وبلىسىنىڭ وڭتۇستىگىندە تۇمان تۇسەدى.

سولتۇستىك قازاقستان وبلىسىنىڭ سولتۇستىك-شىعىسى، سولتۇستىگى مەن باتىسىندا جاياۋ بۇرقاسىن، كوكتايعاق بولماق، وبلىستىڭ وڭتۇستىگىندە تۇمان كۇتىلەدى. وبلىستىڭ سولتۇستىگى مەن باتىسىندا وڭتۇستىك-باتىستان 15-20 م/س جەل سوعادى، ەكپىنى 25 م/س-قا دەيىن جەتەدى. پەتروپاۆل قالاسىندا كۇندىز جاياۋ بۇرقاسىنداتىپ، كوكتايعاق بولادى. وڭتۇستىك-باتىستان 15-20 م/س جەل سوعادى، كۇندىز ەكپىنى 25 م/س-قا دەيىن جەتەدى.

تۇركىستان وبلىسىنىڭ وڭتۇستىگى مەن تاۋلى اۋداندارىندا تۇندە جانە تاڭەرتەڭ تۇمان ءتۇسۋى مۇمكىن.