ەلدىڭ دامۋ ءمينيسترىنىڭ ايتۋىنشا، بۇل پرەپاراتتاردىڭ تيىمدىلىگى دالەلدەنگەن.
سەربيا «سپۋتنيك V» پرەپاراتىنىڭ مۇرىنعا ارنالعان نۇسقاسىن جانە ءبىر كومپونەنتتى «سپۋتنيك لايت» ۆاكسيناسىن شىعارۋدى جوسپارلاپ وتىر، دەپ حابارلايدى Almaty-akshamy.kz
سەربيانىڭ يننوۆاسيالار جانە تەحنولوگيالىق دامۋ ءمينيسترى نەناد پوپوۆيچ سەربيا ءبىر كومپونەنتتى «سپۋتنيك لايت» ۆاكسيناسىمەن بىرگە رەسەيدىڭ COVID-19 مۇرىنعا ارنالعان ۆاكسيناسىن شىعارۋدى جوسپارلاپ وتىرعانىن جەتكىزدى. شەنەۋنىك ەل بيلىگى گامالەيا اتىنداعى عزو-مەن سەربيادا «سپۋتنيك لايت» ءوندىرىسى تۋرالى كەلىسسوزدەر جۇرگىزىپ جاتقانىن ايتتى جانە ينستيتۋت ديرەكتورى الەكساندر گينسبۋرگ وسى جىلدىڭ ءناۋرىز-ساۋىر ايلارىندا ەلگە ساپارى تۋرالى اتاپ ءوتتى.
«ءبىز سونداي-اق سپرەي تۇرىندە ۆاكسينا ءوندىرىسىن تالقىلايتىن بولامىز. ءبىزدىڭ ەلىمىزدە وسى ۆاكسينالاردى ءوندىرۋدىڭ باستالۋى ادامداردى ۆاكسينالاۋدان وتۋگە ىنتالاندىراتىن جاڭا قادام بولادى، ويتكەنى بۇل پرەپاراتتاردىڭ تيىمدىلىگى دالەلدەنگەن»، — دەدى نەناد پوپوۆيچ.