Ethnotronica Almaty ەلەكتروندى مۋزىكا فەستيۆالى اباي الاڭىندا 10 قىركۇيەكتە ساعات 19.00-دە وتەدى. مۋزىكالىق شارانى The Spirit of Tengri حالىقارالىق مۋلتيمادەني جوباسى ۇسىنادى، دەپ حابارلايدى اlmaty-akshamy.kz.
ساحنادا الەمگە ايگىلى ەتنومۋزىكانتتار قازاقستاننىڭ ەلەكتروندى مۋزىكانتتارىمەن بىرلەسىپ ونەر كورسەتەدى. ءۇش ساعاتتىق شوۋدىڭ باعدارلاماسى ۆەنگريا، گرۋزيا، وزبەكستان، تىۆا، تاۋلى شوريانىڭ جانە قازاقستاننىڭ تانىمال ۇجىمدارىنىڭ، سوليستەرى مەن dance-توپتارىنىڭ وكىلدەرىنەن تۇرادى: Zsombor Feher (ۆەنگريا)، Simi (گرۋزيا)، ABBOS (وزبەكستان)، Radik Tyulyush (تىۆا)، Chyltys (تاۋلى شوريا) جانە Steppe Sons (قازاقستان)، وتاندىق ەلەكتروندىق مۋزىكا وكىلدەرى: AlmaLogic project (ناريمان يسەنوۆ جانە ميرحات كاتاۋوۆ)، DJ Kokonja، DJ Ruus جانە Edige، جەكە ورىنداۋشىلار - Layla-Qobyz، Nuketai، ايجان بەكتۇرعان، بي ۇجىمدارى - اRTballet (ۋكراينا/قازاقستان)، TUMوR dance group (وزبەكستان)، Gzeba Georgian Dance (گرۋزيا).
«ءتۇرلى ۇلتتىق مادەنيەتتەردىڭ، مۋزىكالىق-تاريحي داۋىرلەردىڭ، ونەر تۇرلەرى مەن مۋزىكانتتار ۇندەستىگىنىڭ كوللابوراسياسى ەرەكشە جىگەر بەرىپ، شىعارماشىلىق شابىتقا بولەيدى. تاۋەلسىزدىك جىلدارى ومىرگە كەلگەن ءارى ەسەيگەن، مۋزىكاعا دەگەن وزىندىك كوزقاراستارى بار ەلەكتروندى مۋزىكانتتاردىڭ جاس بۋىنى العاش رەت ۇلكەن ساحناعا شىعادى. بارلىق باعدارلاما فەستيۆال ءۇشىن ارنايى ازىرلەنەدى، - دەپ اتاپ ءوتتى فەستيۆالدى ۇيىمداستىرۋشىلار.
شوۋ ناقتى ۋاقىت رەجيمىندە كەڭ فورماتتى LED-ديسپلەيلەر ارقىلى تۇتاس ۆيزۋالدى پەرفورمانس ارقىلى ۇسىنىلادى. سونداي-اق فەستيۆال Tengri TV جانە The Spirit of Tengriء-دىڭ رەسمي YouTube ارنالارىندا ونلاين كورسەتىلەدى.
ەسكە سالساق، The Spirit of Tengri حالىقارالىق مۋلتيمادەني جوباسىن 2012 جىلى Tengri FM قازاقستاندىق ۇلتتىق راديوستانسيا قۇرعان بولاتىن. ماقساتى-قازاقستاندىقتار مەن ەلىمىزدىڭ قوناقتارىن ۇلى دالا جانە بۇكىل الەم حالىقتارىنىڭ مۇراسىمەن تانىستىرۋ. جوبا ۇلتتىق اۋقىمداعى مادەني برەند مارتەبەسىنە يە. فەستيۆال بارىسىندا 80-نەن استام ەلدەن كەلگەن جۇزدەگەن تانىمال مۋزىكانتتار مەن ۇجىمدار ونەر كورسەتەدى. ال ونىڭ قوناقتارى مەن كورەرمەندەرى – 120 مىڭنان استام ادام.