الماتىدا قىزداردى تۇنشىقتىرىپ توناۋدى ادەتكە اينالدىرعان كۇدىكتى ۇستالدى

ەش جەردە جۇمىس ىستەمەيتىن 20 جاستاعى ا.ەسىمدى ازامات قىلمىسىن تەك تۇنگى ۋاقىتتا جاساعان.

المالى اۋداندىق پوليسياسىنىڭ حابارلاۋىنشا، جولدا جالعىز كەلە جاتقان قىزدارعا جاقىنداپ، ارتىنان تۇنشىقتىرىپ، سودان كەيىن بارلىق باعالى زاتتارىن الىپ كەتىپ وتىرعان، دەپ حابارلايدى Almaty-akshamy.kz Polisia.kz-كە سىلتەمە جاساپ.

«جەدەل ىزدەستىرۋ ءىس-شارالارى بارىسىندا 20 جاستاعى جامبىل وبلىسىنىڭ تۇرعىنى ۇستالدى. قازىرگى ۋاقىتتا توناۋ بويىنشا ءۇش دەرەكتى انىقتادىق. ءبىر ەپيزود بەينەباقىلاۋ كامەرالارىنا ءتۇسىپ قالعان. قىزدار توتەپ بەرە المايتىن جاعدايعا جەتكەن كەزدە، ول بارلىق قۇندى زاتتاردى: ۇيالى تەلەفونداردى، اقشانى الىپ، قاراڭعى كوشەلەردە تىعىلىپ قالدى. سونداي-اق، قاسكوي جابىرلەنۋشىدەن تارتىپ العان اقشامەن دۇكەندە تولەم جاساپ جاتقان دەرەك تە تىركەلدى. جاس جىگىت ءوز ءىسىن مويىندادى. ءقازىر كۇدىكتىنىڭ جەكە باسى قالا اۋماعىندا وسىعان ۇقساس، بۇرىن جاسالعان قىلمىستارعا قاتىسى بار-جوعى تەكسەرىلۋدە. سوتقا دەيىنگى تەرگەۋ امالدارى جۇرگىزىلۋدە»، – دەدى المالى اۋداندىق پوليسيا باسقارماسىنىڭ باستىعى ەسەن ىسقاقوۆ.