الماتىدا قوعامدىق كولىكتى جاڭارتۋ جانە ەكولوگيالىق جاعدايدى جاقسارتۋ جۇمىستارى جالعاسۋدا. قالالىق موبيلدىلىك باسقارماسى جاڭا باعىت اشىپ، ونى ەلەكترواۆتوبۋستارمەن قامتاماسىز ەتپەك.
№90 باعىتتاعى اۆتوبۋس اباي داڭعىلى بويىمەن – ك.مەدەۋبەكوۆ كوشەسىنەن رەسپۋبليكا سارايىنا دەيىن قاتىنايدى. بۇل جاڭا باعىت ناۋرىزباي اۋدانىنداعى قالقامان جانە شۇعىلا شاعىناۋداندارى تۇرعىندارىنىڭ قاتىناسىن جەڭىلدەتەدى.
باعىتتا ۇزىندىعى 12 مەترلىك «Golden Dragon» ماركالى ەلەكترواۆتوبۋستار قىزمەت كورسەتەدى. ولار دىبىسسىز ءجۇرىپ، سالقىنداتقىشتارمەن، بەينەباقىلاۋ كامەرالارىمەن، USB-ۇياشىقتارىمەن، جۇرگىزۋشىنى قاداعالاۋ جۇيەلەرىمەن جانە وزگە دە زاماناۋي قۇرالدارمەن جابدىقتالعان.
جولاۋشىلاردى «الماتىەلەكتروترانس» كوممۋنالدىق كاسىپورنى تاسىمالدايدى. كۇن سايىن جولعا 25 اۆتوبۋس شىعىپ، قوزعالىس ارالىعى 4 مينۋتتى قۇرايدى. جاڭا باعىت 2 قىركۇيەكتەن باستاپ جۇمىس ىستەيدى.