609 ادام جۇمىس ىستەپ جاتىر.
2022 جىلعى 11 مامىردا ساعات 14:40-تان باستاپ الماتى قالاسىندا قاتتى جاۋىن-شاشىن باستالدى، دەپ حابارلايدى Almaty-akshamy.kz.
سۋ باسۋدىڭ الدىن الۋ جانە جويۋ ماقساتىندا مەردىگەرلىك ۇيىمداردىڭ كەزەكشىلىگى ۇيىمداستىرىلدى. سۋدى كەدەرگىسىز اعىزۋ جانە سورىپ الۋدى قامتاماسىز ەتۋ بويىنشا جۇمىستاردى جۇرگىزۋ ءۇشىن جالپى سانى 609 ادام، 252 بىرلىك ارنايى تەحنيكا جانە 24 موتوپومپا جۇمىلدىرىلدى. قۇم سالىنعان 2050 قاپ دايىندالدى.
«قازگيدرومەت» رمك بولجامىنا سايكەس، بۇگىن تۇندە دە قاتتى جاڭبىر جاۋادى، الداعى ءۇش تاۋلىك ىشىندە ۇزىلىسپەن جاۋىن-شاشىن بولادى دەپ كۇتىلۋدە.
