قالتا ۇرلىعىن جاسادى دەگەن كۇدىكپەن ەكى ەر ادام ۇستالدى.
63 جاستاعى ي.ەسىمدى ازامات جانە 34 جاستاعى ب.ەسىمدى ازامات كۇدىككە ءىلىندى، دەپ حابارلايدى Almaty-akshamy.kz Polisia.kz-كە سىلتەمە جاساپ.
الدىن الا بولجام بويىنشا كۇدىكتىلەر 205-باعىتتاعى قوعامدىق كولىكتە قىلمىس جاساعان: ولار جولاۋشىنىڭ كۇرتەسىنىڭ قالتاسىنان IPhone تەلەفونىن ۇرلاپ، جابىرلەنۋشىگە 200 مىڭ تەڭگە كولەمىندە ماتەريالدىق شىعىن كەلتىرگەن.
«ۇستاۋ ءىس-شاراسىن ارنايى توپ مۇشەلەرى مەدەۋ اۋداندىق پوليسيا باسقارماسىنىڭ جەدەل ۋاكىلدەرىمەن بىرلەسىپ جۇرگىزدى. ءتىنتۋ كەزىندە ۇستالعانداردىڭ بىرىنەن Huawei تەلەفونى تاركىلەندى، ول دا ۇرلانعان بولۋى مۇمكىن. سونداي-اق ۇستالعانداردىڭ قالانىڭ باسقا دا اۋداندارىندا بۇرىن جاسالعان وسىعان ۇقساس باسقا دا قىلمىسقا قاتىسى بار-جوعى انىقتالىپ جاتىر. ەكى كۇدىكتى دە ۋاقىتشا ۇستاۋ يزولياتورىنا قامالدى»، – دەدى الماتى قالالىق پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
ايتپاقشى، بۇرىن ەكەۋى دە مۇلىكتىك قىلمىس جاساعانى ءۇشىن بىرنەشە رەت قىلمىستىق جاۋاپكەرشىلىككە تارتىلعان. اتالعان دەرەك بويىنشا سوتقا دەيىنگى تەرگەۋ باستالدى. قىلمىستىق ءىس بويىنشا باسقا دا مالىمەتتەر ق ر قپك-نىڭ 201-بابى جانە ق ر كونستيتۋسياسىنىڭ نورمالارىنا سايكەس جاريا ەتۋگە جاتپايدى.