بۇگىن ۇكىمەت وتىرىسىندا دەنساۋلىق ساقتاۋ ءمينيسترى اجار عينيات مەملەكەت باسشىسىنىڭ VIII سايلانعان پارلامەنت ءماجىلىسىنىڭ ءبىرىنشى سەسسياسىنىڭ اشىلۋىندا بەرگەن مەديسينالىق ينفراقۇرىلىمدى جاقسارتۋ قاجەتتىلىگى تۋرالى تاپسىرماسىن ىسكە اسىرۋ تۋرالى باياندادى.
مەملەكەت باسشىسىنىڭ تاپسىرماسى بويىنشا قازاقستان رەسپۋبليكاسى دەنساۋلىق ساقتاۋ مينيسترلىگى «قازاقستان رەسپۋبليكاسىنىڭ كەيبىر زاڭنامالىق اكتىلەرىنە دەنساۋلىق ساقتاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسىن ازىرلەدى،-دەپ حابارلايدى اlmaty-akshamy.kz Nege.kz-كە سىلتەمە جاساپ.
«زاڭ جوباسىندا مەديسينالىق جانە فارماسيەۆتيكالىق قىزمەتكەرلەردىڭ كاسىبي مىندەتتەرىن تيىسىنشە ورىنداماعانى ءۇشىن قىلمىستىق قۇقىق بۇزۋشىلىقتاردى ىزگىلەندىرۋ جانە ق ر قىلمىستىق كودەكسىنىڭ 317-بابىنىڭ سانكسيالىق شارالارىن تومەندەتۋ جونىندەگى نورمالار ۇسىنىلدى»، - دەدى اجار عينيات.
مەديسينا قىزمەتكەرلەرىنىڭ كاسىبي جاۋاپكەرشىلىگىنە قاتىستى ۇسىنىلعان مودەل جانە ولار مىندەتىن ءتيىستى اتقارماعان جاعدايدا جازانى جەڭىلدەتۋ الدىمەن ازاماتتاردىڭ قۇقىعىن قورعاۋعا باعىتتالادى. مەديسينالىق قىزمەتتەردى الۋ كەزىندە دەنساۋلىققا كەلتىرىلگەن زياندى وتەۋ، سول سياقتى مەديسينا قىزمەتكەرلەرىنىڭ جەكە جانە قارجىلىق قۇقىعىن قورعاۋدىڭ مۇمكىندىگى ارتادى. ودان بولەك، مەديسينا سالاسىنان بىلىكتى مامانداردىڭ كەتۋىن ازايتۋعا باعىتتالىپ وتىر.