الماتىدا ەكى ەر ادام لومبارد قىزمەتكەرلەرىن سان سوقتىرىپ كەتتى

ەكى ەر ادام لومبارد قىزمەتكەرلەرىن الداپ، توناپ كەتكەن

پوليسياعا لومبارد قىزمەتكەرلەرىنىڭ بىرنەشە ارىزى تۇسكەننەن كەيىن، الماتى وبلىسىنىڭ 24 جاستاعى تۋماسى مەن ونىڭ 20 جاستاعى “سەرىگى” ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

«قاسكويلەر قالانىڭ الاتاۋ، اۋەزوۆ جانە مەدەۋ اۋداندارىندا ءوز "ىزدەرىن" قالدىرىپ كەتكەن. كۇدىكتىلەر لومباردقا كىرىپ، ساتىلىمدا تۇرعان ۇيالى تەلەفونداردى تەكسەرۋ ءۇشىن كورسەتۋلەرىن سىلتاۋراتىپ، قولدارىنا ۇستاي سالا قاشىپ كەتكەن. كەيبىر جەرلەردە ولاردىڭ زاڭسىز ارەكەتتەرى بەينەباقىلاۋ كامەرالارىنا ءتۇسىپ قالعان. قازىرگى ۋاقىتتا ۇستالعاندار جاساعان قىلمىستىق قۇقىقبۇزۋشىلىقتىڭ 5 دەرەگى دالەلدەندى. سوتقا دەيىنگى تەرگەۋ ق ر قك-نىڭ 191-بابى 2-بولىگى بويىنشا جۇرگىزىلۋدە»، – دەدى الاتاۋ اۋداندىق پب جانىنداعى پوليسيا ءبولىمىنىڭ باستىعى قۇماربەك كەنشىنبايەۆ.

بەلگىلى بولعانداي، ۇستالعانداردىڭ ءبىرى وسىعان ۇقساس قىلمىسى ءۇشىن جازاسىن وتەپ، تۇرمەدەن جاقىندا عانا بوساپ شىققان. پوليسيا قىزمەتكەرلەرى اتالعان ازاماتتاردىڭ ارەكەتىنەن زارداپ شەككەندەردى مىنا تەلەفون نومىرلەرى ارقىلى حابارلاسۋعا شاقىرادى: 8-707-882-03-98؛ 8-747-167-60-60.