ونىڭ ىشىندە 38 870 ءجاسوسپىرىم بار.
الماتىدا ءبىر تاۋلىك ىشىندە 2 978 ادام كوروناۆيرۋسقا قارسى ەكپە الدى. ونىڭ ىشىندە 1-كومپونەنتىن 1 421 ادام، 2-كومپونەنتىن 1 557 ادام سالدىردى، دەپ حابارلايدى Almaty-akshamy.kz.
«وتكەن جىلدىڭ 1 اقپانى مەن بيىلعى جىلدىڭ 23 اقپانى ارالىعىندا قالادا 1 136 355 تۇرعىن ۆاكسينانىڭ ءبىرىنشى كومپونەنتىن، 1 092 158 ادام ەكىنشى كومپونەنتىن سالدىرعان. ونىڭ ىشىندە 124 842 ادامنىڭ جاسى 60-تان اسقان»، - دەلىنگەن الماتى قالالىق قوعامدىق دەنساۋلىق ساقتاۋ باسقارماسىنىڭ باسپا ءسوز قىزمەتىنىڭ حابارلاماسىندا.
بۇگىنگى تاڭدا Pfizer ۆاكسيناسىن 53 576 ادام سالدىردى. ونىڭ ىشىندە 2 943 جۇكتى ايەل، 11 763 بالا ەمىزەتىن انا جانە 38 870 ءجاسوسپىرىم بار. 238 131 قالا تۇرعىنى ريەۆاكسينالاۋدان ءوتتى.
«بۇگىنگى تاڭدا قالادا مەديسينا مەكەمەلەرىندە 119 ۆاكسينالاۋ پۋنكتى جۇمىس ىستەيدى. 140 ۆاكسينالاۋ بريگاداسىنا 520 مەديسينا قىزمەتكەرى جۇمىلدىرىلدى»، - دەپ اتاپ ءوتتى الماتى قالاسى قوعامدىق دەنساۋلىق باسقارماسىنىڭ باسپا ءسوز قىزمەتى.