الماتىدا ەكى بالاباقشا اشىلادى

بالالاردىڭ فيزيكالىق دامۋى ءۇشىن جەكە دەنەشىنىقتىرۋ زالى، سونداي-اق ويىن الاڭدارى قاراستىرىلعان

الماتى قالاسىنىڭ مەدەۋ اۋدانىندا كۇردەلى جوندەۋدەن كەيىن №114 جانە 116 بالاباقشالار اشىلادى، دەپ حابارلايدى Almaty-akshamy.kz.

 مەكتەپكە دەيىنگى مەكەمەلەردەگى ورىنداردى تومەندەتۋ ماقساتىندا رەكونسترۋكسيالاۋ  جۇمىستارى جۇرگىزىلدى. جوباعا 3ء-شى قاباتتىڭ قۇرىلىسى ەنگىزىلدى.
ناتيجەسىندە بالاباقشالاردىڭ سىيىمدىلىعى 145-تەن 190 بالاعا دەيىن ءوستى، وقىتۋ توپتارى 8-گە دەيىن ارتتى. مەكتەپكە دەيىنگى مەكەمەلەر ماتەريالدىق-تەحنيكالىق بازامەن تولىق قامتاماسىز ەتىلگەن، بۇلدىرشىندەردىڭ بالاباقشالاردا جان- جاقتى دامۋى ءۇشىن بارلىق جاعداي جاسالعان. 

بالالاردىڭ فيزيكالىق دامۋى ءۇشىن جەكە دەنەشىنىقتىرۋ زالى، سونداي-اق ويىن الاڭدارى قاراستىرىلعان. مەديسينالىق بلوك تولىق جابدىقتالعان، ولار – مەديسينالىق،ەم قابىلداۋ، پسيحولوگيا، لوگوپەد-دەفەكتولوگ كابينەتتەرى جانە ت. ب.

جايلى قالالىق ورتا باسقارماسى بالاباقشالاردى ءبىلىم باسقارماسىنا بەرۋ تۋرالى قاۋلى دايىنداۋدا. ەكى بالاباقشا دا بالالاردى ماۋسىم ايىنان  قابىلداي باستايدى.