مۋزەي ءتۇنىنىڭ باستى وقيعاسى «كوۆوركينگ بالالار ورتالىعىنىڭ» اشىلۋى
ق ر مەملەكەتتىك ورتالىق مۋزەيى 2022 جىلدىڭ 18 مامىرى كۇنى «حالىقارالىق مۋزەيلەر كۇنى» كاسىبي مەرەكەسىنە وراي «مۋزەي ءتۇنى» مەرەكەلىك ءىس شاراسىن وتكىزەدى، دەپ حابارلايدى Almaty-akshamy.kz.
بۇل قالامىزدىڭ تۇرعىندارى مەن قوناقتارىنا مۋزەي ارتەفاكتىلەرىمەن، مادەني-بىلىم بەرۋ باعدارلامالارىمەن تانىسۋعا جانە ەلىمىزدىڭ تاريحى مەن مادەنيەتىنىڭ جاڭا بەتتەرىن اشۋعا مۇمكىندىك بەرەتىن ءىرى حالىقارالىق الەۋمەتتىك مادەني-بىلىم بەرۋ جوباسى.
ق ر پرەزيدەنتى قاسىم-جومارت كەمەل ۇلىنىڭ 2022 جىلدى «بالالار جىلى» دەپ جاريالاۋىنا وراي، ق ر مەملەكەتتىك ورتالىق مۋزەيىنىڭ بيىلعى جىلعى «مۋزەي ءتۇنى-2022» ءداستۇرلى اكسياسى تالانتتى بالالاردىڭ باستامالارى مەن جاڭاشىل يدەيالارىن قولداۋعا باعىتتالعان. اتالمىش اكسيانىڭ نەگىزگى بولىگى «تالانتتى بالالار شەرۋى» رەسپۋبليكالىق بالالار فەستيۆالىنە ارنالادى. فەستيۆالعا رەسپۋبليكامىزدىڭ ءار وڭىرىنەن ونەر، سپورت، مۋزىكا، شىعارماشىلىق جاعىنان حالىقارالىق، رەسپۋبليكالىق كونكۋرستار لاۋرەاتتارى مەن تالانتتى جاسوسپىرىمدەر قاتىسىپ وتىر. اتالمىش رەسپۋبليكالىق فەستيۆال قورىتىندىسى ناتيجەسىندە 16 نوميناسيا بويىنشا جاس تالانتتارعا ماراپاتتى ەلىمىزىگە بەلگىلى عىلىم، مادەنيەت جانە ونەر سالاسىنداعى قايراتكەرلەر تابىستايدى.
مۋزەي ءتۇنىنىڭ باستى وقيعاسى «كوۆوركينگ بالالار ورتالىعىنىڭ» اشىلۋى. ورتالىقتىڭ جۇمىسى بالالاردى مۋزەي الەمىمەن، ونداعى تاريحي قۇندىلىقتارمەن تانىستىرۋعا، سونداي - اق، شىعاراماشىلىق باستامالار مەن بالالاردىڭ مۇمكىندىكتەرىن ۇشتاۋدى ۇيىمداستىرۋعا باعىتتالعان. ياعني، بالالاردىڭ بوس ۋاقىتتارىن (دەمالىس) ءتيىمدى ۇيىمداستىرۋ، مۋلتيپليكاسيالىق فيلمدەر كورۋ، كىتاپ وقۋ، قازاق ۇلتتىق ويىندارى جانە ءداستۇرلى مۋزىكالىق اسپاپتاردا ويناۋدى ۇيرەتۋ باعىتتارىندا جۇمىس ىستەۋ. كوۆوركينگ بالالار ورتالىعىنىڭ باستى دەمەۋشىسى كمF ميكروقارجى ۇيىمى جانە «كمF-دەمەۋ» كورپوراتيۆتىك قورى (www.kmf.kz، https://www.demeufund.kz/). سونىمەن بىرگە «جاس ەكسكۋرسوۆود»، «ولكەتانۋشى» جانە «بىرگە سۋرەت سالايىق» بەينەلەۋ ونەرى ۇيىرمەلەرى اشىلىپ، مۋزەي كۇنىنە قاتىناسۋشى بالالار اراسىنان تەگىن قابىلدانادى.
مۋزەي ءتۇنى باعدارلاماسىندا: جاندانعان ەكسپوزيسيالار، مۋزەي قورىنداعى سيرەك كەزدەسەتىن قارۋ - جاراقتار كوللەكسياسى نەگىزىندە «ەر قارۋ بەس قارۋ» كورمەسى (XVIII-XIX عع.)، «ءبىزدىڭ تالانتتىلارىمىز»، «مەنىڭ باقىتتى بالالىق شاعىم» اتتى قالالىق بەينەلەۋ ونەر ستۋديالارىنىڭ بالالار شىعارماشىلىعى كورمەسى، بەلگىلى فوتوگراف م. ءزولوتۋحيننىڭ فوتوكورمەسى جانە قازاقستان رەسپۋبليكاسى مادەنيەت جانە سپورت مينيسترلىگىنىڭ تاپسىرماسى بويىنشا كونسەرۆاسيادان جانە رەستوۆراسيادان وتكىزىلگەن مادەني مۇرالارىمىزدىڭ كورمەسى كورەرمەن نازارىنا العاش رەت ۇسىنىلادى. بەلگىلى قازاقستاندىق سۋرەتشى-قالپىنا كەلتىرۋشى، «قىرىم ارالى» عىلىمي-قالپىنا كەلتىرۋ زەرتحاناسىنىڭ نەگىزىن قالاۋشى جانە جەتەكشىسى، قازاقستاننىڭ ەڭبەك سىڭىرگەن قايراتكەرى - قىرىم التىنبەكوۆتىڭ «قايتا جارقىراعان جاۋھارلار – ارالى» كورمەسى.
كونسەرتتىك باعدارلاما-قويىلىمدار: ج.ەلەبەكوۆ اتىنداعى رەسپۋبليكالىق ەسترادا-سيرك كوللەدجى، «كامەراتا كازاحستان» ءانسامبلى جانە ۆالەنتينا بوروۆيكوۆانىڭ جەتەكشىلىگىمەن سكريپكاشىلار ءانسامبلى؛ و.تاڭسىقبايەۆ اتىنداعى الماتى ساندىك-قولدانبالى ونەر كوللەدجى مەن ت.ق. جۇرگەنوۆ اتىنداعى قازاق ۇلتتىق ونەر اكادەمياسى ستۋدەنتتەرىنىڭ ساندىك كوللەكسياسىنىڭ كورسەتىلىمى جانە قازاقستان-جاپون ورتالىعىنان وريگامي، كالليگرافيا، «فۋروشيكي» ونەرى بويىنشا شەبەرلىك-ساباقتار. سونداي - اق، مەرەكەلىك ءىس شارا قوناقتارى مەملەكەتتىك وركەسترلەر مەن بالالار ۇجىمدارىنىڭ مۋزىكالىق شىعارماشىلىق كونسەرتەرىن تاماشالاي الادى.
مۋزەي قوناقتارى قازاق مەملەكەتتىك سيركىنىڭ قويىلىمى، بالالار دەفيلەسى، م.گريبوۆانىڭ جەتەكشىلىگىمەن «HighTech Academy» شلياپالىق دەفيلەسى، الماتى مەملەكەتتىك سەرۆيس جانە تەحنولوگيالار كوللەدجىنىڭ ستيليستتىك شاش ۇلگىلەرى كورسەتىلىمىن تاماشالايدى.
ارنايى بالالار ءۇشىن قازاقستان سۋرەتشىلەرى، ساندىك-قولدانبالى ونەر شەبەرلەرىنىڭ قاتىسۋىمەن شەبەرلىك ساباقتار وتەدى.
مۋزەي الماتىلىقتار مەن قالا قوناقتارىن «مۋزەي ءتۇنى-2022» اكسياسىنىڭ قىزىقتى جانە تارتىمدى باعدارلامالارىمەن تانىسۋعا شاقىرادى.