2022 جىلعى 24 قاراشا - 14 جەلتوقسان ارالىعىندا ساۋد ارابياسىنداعى ديپلوماتيالىق كورپۋستا «Ambassadors Choice International Film Festival» كينوفەستيۆالى ءوتتى، دەپ حابارلايدى Almaty-akshamy.kz Inform.kz-كە سىلتەمە جاساپ.
فەستيۆالگە قازاقستانمەن قاتار ءۇندىستان، يسپانيا، اۋستراليا، كۋبا، شۆەسيا، بانگلادەش، اقش، ليۆان، ساۋد ارابياسى، الجير، ليۆان، پالەستينا سياقتى ەلدەر قاتىستى.
كينوفەستيۆال اياسىندا رەجيسسەر اقان ساتايەۆتىڭ «توميريس» اتتى قازاقستاندىق كوركەم ءفيلمى كوپشىلىككە ۇسىنىلدى. كينو ەجەلگى گرەك تاريحشىسى گەرودوت گاليكارناستىڭ ماسساگەت پاتشايىمى تۋرالى اڭگىمەلەيتىن شەجىرەلەرىنە نەگىزدەلگەن.
فيلم جەرگىلىكتى كورەرمەندەر مەن ديپلوماتيالىق كورپۋس وكىلدەرىنىڭ وڭ پىكىرلەرىنە يە بولدى. تاماشالاۋعا كەلگەندەر وتاندىق كينو اكتەرلەرىنىڭ ويىنىن جوعارى باعالادى. ولار سونداي-اق ەڭ كۇردەلى جاۋىنگەرلىك، شاباندوزدىق شەبەرلىك كورىنىستەرىنىڭ اۋقىمى مەن ورىندالۋىن اتاپ ءوتتى جانە «توميريس» ءفيلمىن سوڭعى جىلدارداعى ساپالى تاريحي فيلمدەردىڭ ءبىرى دەپ اتادى.