الماتىدا ديزەلدى ساتۋعا شەكتەۋ قويىلدى

الماتىداعى ديزەل وتىنىنىڭ جاعدايىنا قاتىستى اقپارات

الماتى قالاسىندا 213 اۆتوجانارماي قۇيۋ ستانسياسى جۇمىس ىستەيدى، ونىڭ ىشىندە ءىرى 6 جەلىگە 176 جانارماي قۇيۋ بەكەتى نەمەسە 82% تيەسىلى، - دەپ حابارلايدى almaty-akshamy.kz

الماتى قالاسىنا ججم جەتكىزۋ ءۇش مۇناي وڭدەۋ زاۋىتىنان جۇزەگە اسىرىلادى: شىمكەنت «پەترو قازاقستان ويل پروداكتس» مۇناي وڭدەۋ زاۋىتى (پكوپ ۇلەسى – 40%)، پاۆلودار مۇناي-حيميا زاۋىتى (پمحز ۇلەسى – 35%)، اتىراۋ مۇناي وڭدەۋ زاۋىتى (ءاموز ۇلەسى – 25%).

اعىمداعى جىلدىڭ 15 ناۋرىزىنان باستاپ شىمكەنت مۇناي وڭدەۋ زاۋىتى كۇردەلى جوندەۋگە جابىلدى، وسىعان بايلانىستى الماتى قالاسىندا ديزەل وتىنىن جەتكىزۋ توقتاتىلدى. وسى كەزەڭدە پمحز مەن اموز-دەن ديزەل وتىنىن جەتكىزۋ شامامەن 12 مىڭ توننانى قۇرادى.

بۇگىندە ءىرى جەلىلىك جقس جانە قالانىڭ مۇناي بازالارىندا شامامەن 8،8 مىڭ توننا ديزەل وتىنى بار، 4-5 كۇن ىشىندە شامامەن 4،7 مىڭ توننا جەتكىزىلەدى دەپ كۇتىلۋدە.

سوڭعى ۋاقىتتا الماتى قالاسىندا الماتى وبلىسىنىڭ تۇرعىندارى، سونداي-اق ترانزيتتىك كولىك يەلەرى تاراپىنان ديزەل وتىنىنا دەگەن سۇرانىس ارتتى، بۇل تۇتىنۋدىڭ ءبىر مەزگىلدە 30-35%-عا وسۋىنە سەبەپ بولدى جانە جەكەلەگەن جمقس-عا ۇزىلىسپەن جەتكىزىلۋىنە (رەزەرۆۋارلاردىڭ ۋاقتىلى تولماۋىنىڭ اكەلدى.

قالا تۇرعىندارىن، اۆتوبۋس پاركتەرى مەن كوممۋنالدىق قىزمەتتەردى قامتاماسىز ەتۋ ماقساتىندا جەكەلەگەن جانارماي قۇيۋ بەكەتتەرىنە ديزەل وتىنىنىڭ شەكتەۋلى شىعارىلىمى ەنگىزىلدى.

قازىرگى ۋاقىتتا الماتى قالاسىنىڭ اكىمدىگى قتج جانە جمقس جەلىلەرىمەن بىرلەسىپ تۇراقتى نەگىزدە جولدا ديزەل وتىنىنا مونيتورينگ جۇرگىزەدى، باسقا وڭىرلەردە ۆاگونداردىڭ توقتاپ قالۋىنا بايلانىستى ماسەلەلەر جەدەل پىسىقتالۋدا.

شىمكەنت مۇناي وڭدەۋ زاۋىتىندا ءوندىرىس قايتا باستالعاننان كەيىن جاعداي تۇراقتانادى دەپ كۇتىلۋدە. ق ر ەنەرگەتيكا مينيسترلىگىنىڭ الدىن الا اقپاراتى بويىنشا، پكوپ جوندەۋ جۇمىستارى اعىمداعى جىلدىڭ ءساۋىر ايىنىڭ ءبىرىنشى ونكۇندىگىندە اياقتالادى.