قازاقستاندىق تەننيسشىلەر اقش-تاعى جارىستىڭ شيرەك فينالىنا ءوتتى

جارىستىڭ جۇلدە قورى - 642 735 اقش دوللار

قازاقستاندىقتار اندرەي گولۋبيەۆ پەن الەكساندر نەدوۆەسوۆ اقش-تا ءوتىپ جاتقان حيۋستون ATP 250 ءتۋرنيرىنىڭ شيرەك فينالىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

قازاقستاندىق جۇپ باستاپقى كەزدەسۋىن فرانسيالىق جوناتان ەيسسەريك – نيدەرلاندىلىق داۆيد پەلمەن وتكىزدى.

ءبىر ساعات 47 مينۋتقا سوزىلعان تارتىستى ماچتا ا.نەدوۆەسوۆ پەن ا.گولۋبيەۆ 2:6، 7:6 (7:5)، 10:4 ەسەبىمەن جەڭىسكە جەتتى.

ولار ويىن بارىسىندا 4 ەيس جاساپ، 3 برەيك-پوينتتىڭ بىرەۋىن پايدالاندى. قارسىلاستارى 3 برەيكپەن (7 برەيك-پوينت) كوزگە ءتۇستى.

قازاقستاندىقتار جارتىلاي فينالعا شىعۋ ءۇشىن جارىستىڭ 4ء-شى راكەتكالارى بولىپ تىركەلگەن شۆەسيالىق اندرە گورانسسون – جاپونيالىق بەن ماكلاحلانمەن تالاسادى.

جالپى جۇلدە قورى 642 735 اقش دوللارىنا باعالانعان حيۋستون دوداسى 9 ساۋىردە مارەسىنە جەتەدى.

ەسكە سالا كەتەيىك، بۇدان بۇرىن يۋليا پۋتينسيەۆانىڭ چارلستوندا الەمنىڭ ەكس-ۇشىنشى راكەتكاسىن جەڭگەنىن جازعان بولاتىنبىز.

يۋ.پۋتينسيەۆا ەكىنشى اينالىمدا الەمنىڭ 17-راكەتكاسى، رەسەيلىك ەكاتەرينا الەكساندروۆامەن شەبەرلىك بايقاسادى.