بۇگىن ق ر ۇلتتىق كىتاپحاناسىندا بەلگىلى زەرتتەۋشى، ەتنوگراف، اۋىز ادەبيەتى ۇلگىلەرىن جيناۋشى-زەرتتەۋشى، قازاقستان جازۋشىلار جانە جۋرناليستەر وداقتارىنىڭ مۇشەسى دايراباي تىنىشبەك مايلىباي ۇلىنىڭ تۋعانىنا 80 جىل تولۋىنا وراي «سىر ەلىنىڭ پەرزەنتى» اتتى شىعارماشىلىق كەشى جانە مەرەيتوي يەسىنىڭ «دەرەك پەن دايەك» اتتى كىتابىنىڭ تۇساۋكەسەر ءراسىمى ءوتتى، دەپ حابارلايدى Almaty-akshamy.kz.
⠀
جيىن بارىسىندا ۇلتتىق كىتاپحانانىڭ ديرەكتورى باقىتجامال وسپانوۆا قۇتتىقتاۋ سوزبەن اشىپ، مەرەيتوي يەسىنە ق ر ۇلتتىق كىتاپحاناسى دايىنداعان «تىنىشبەك دايراباي» بيبليوگرافيالىق كورسەتكىشىن سىيعا تارتتى.
⠀
سونداي-اق، شارا بارىسىندا ق ر ەڭبەك سىڭىرگەن قايراتكەرى، قازاقستان جازۋشىلار وداعى ءتوراعاسىنىڭ ورىنباسارى، اقىن باۋىرجان جاقىپ، جازۋشى، «بالبۇلاق» جۋرنالىنىڭ باس رەداكتورى ماعيرا قوجاقمەتوۆا، تاريح عىلىمدارىنىڭ دوكتورى، ءال-فارابي اتىنداعى قۇۋ پروفەسسورى، ق ر ۇلتتىق عىلىم اكادەمياسىنىڭ اكدەميگى بەرەكەت كارىبايەۆ، الاشتانۋشى-عالىم، فيلولوگيا عىلىمدارىنىڭ دوكتورى، «ارىس» باسپاسىنىڭ ديرەكتورى عاريفوللا انەس، بەلگىلى ۇستاز ءسابيت يمانعالييەۆ، ەتنوگراف-عالىم، تاريح عىلىمدارىنىڭ كانديداتى تاتتىگۇل قاراتايەۆا، پۋبليسيست-جازۋشى كولباي ادىربەك، جۋرناليست، فيلولوگيا عىلىمدارىنىڭ كانديداتى ەسەنۇل كاپ قىزى ءسوز سويلەدى.
شارا اياسىندا تىنىشبەك مايلىباي ۇلىنىڭ ءومىرى مەن شىعارماشىلىعىنا ارنالعان كىتاپ كورمەسى ۇيىمداستىرىلدى.