بۇل تۋرالى وكق بريفينگىندە اكىم ەربولات دوسايەۆ مالىمدەدى.
2023 جىلى مەملەكەت باسشىسىنىڭ دەنساۋلىق ساقتاۋ ينفراقۇرىلىمىن دامىتۋ جونىندەگى تاپسىرماسىن ەسكەرە وتىرىپ، الماتىدا 6 وتباسىلىق-دارىگەرلىك امبۋلاتوريا پايدالانۋعا بەرىلەدى، دەپ حابارلايدى Almaty-akshamy.kz.
«بيىل جاڭا ستاندارتتار بويىنشا 2 نىسان جاڭعىرتىلىپ، 2024 جىلى قمج باستالۋىمەن 7 ەمحانا جوبالاناتىن بولادى. سونداي-اق، 2023 جىلدىڭ قىركۇيەگىندە بالالار شۇعىل مەديسينالىق كومەك ورتالىعىنىڭ وپەراسيالىق بلوگى بار قابىلداۋ بولىمشەسى اشىلادى. ال 2024 جىلدان باستاپ 10 ستاسيوناردى جاڭعىرتۋدى باستاۋدى جوسپارلاپ وتىرمىز. بۇگىنگى تاڭدا ءتيىستى جوبالىق قۇجاتتار دايىندالۋدا»، - دەدى الماتى اكىمى.
ونىڭ ايتۋىنشا، دەنساۋلىق ساقتاۋ سالاسىنداعى كادرلاردىڭ تاپشىلىعىن ەسكەرە وتىرىپ، جىل سايىن 3 340 مامان مەن 70 مەنەدجەردى ءۇش دەڭگەيلى وقىتۋ باعدارلاماسىمەن قامتۋ كوزدەلگەن، سونداي-اق ديپلومنان كەيىنگى دايارلىققا 140 گرانت ءبولىندى.