جول ينفراقۇرىلىمىنىڭ نەگىزگى پروبلەمالارى جول توسەمىنىڭ ساپاسى جانە جول ليۋكتەرىنىڭ تومەندەۋى تۇرىندەگى اقاۋلار بولىپ قالا بەرەدى.
بۇل تۋرالى وكق بريفينگىندە الماتى اكىمى ەربولات دوسايەۆ مالىمدەدى، دەپ حابارلايدى Almaty-akshamy.kz.
اتالعان پروبلەمالاردى شەشۋ ءۇشىن بۇرىن، 2022 جىلى پيلوتتىق رەجيمدە جولداردىڭ ساپاسىن ارتتىرۋ ماقساتىندا اسفالتبەتونعا پوليمەرلى قوسپالار تۇرىندەگى جاڭا ماتەريالدار پايدالانىلدى. ولار جۇكتەمەلەرگە جانە كليماتتىق جاعدايلارعا ءتوزىمدى.
«بيىل ءبىز قالانىڭ 6 شاعىن اۋدانىندا 25 شاقىرىم جاڭا جول سالۋدى جانە 200 شاقىرىمعا ورتاشا جوندەۋ جۇمىستارىن جۇرگىزۋدى جوسپارلاپ وتىرمىز. وسى جۇمىستار اياسىندا مەحانيكالىق جانە تەمپەراتۋرالىق جۇكتەمەلەرگە توتەپ بەرەتىن 8 مىڭ " سەرپىلىستى" ليۋك ورناتىلادى»، - دەپ اتاپ ءوتتى ەربولات دوسايەۆ.
جاڭا تەحنولوگيالاردى قولدانا وتىرىپ، جول ينفراقۇرىلىمىن جاڭعىرتۋ ورتاشا جوندەۋ جۇرگىزۋ مەرزىمىن 5 جىلدان 10 جىلعا دەيىن ۇلعايتۋعا مۇمكىندىك بەرەدى.