قوعامدىق دەنساۋلىق ساقتاۋ باسقارماسىندا الماتىدا الەۋمەتتىك نىسانداردىڭ ينفراقۇرىلىمىن جاقسارتۋ بويىنشا قابىلدانىپ جاتقان شارالار تۋرالى ايتىلدى، دەپ حابارلايدى aqshamnews.kz.
ماسەلەن، وسى جىلدىڭ تامىز ايىندا قازاقستاندا العاش رەت بالالار اراسىندا (3 جاسقا دەيىن) مۇگەدەكتىكتى تومەندەتۋ ءۇشىن ۆەدومستۆوارالىق ءوزارا ءىس-قيمىل نەگىزىندە ەرتە ارالاسۋ ورتالىعى قۇرىلدى. 2 مساك ورتالىعى مەن 1 ەمحانا، سونداي-اق بالالار شۇعىل مەديسينالىق كومەك ورتالىعىنىڭ جاڭا كورپۋسى اشىلدى.
2024 جىلدىڭ سوڭىنا دەيىن 2 جاڭا ەمحانا سالۋعا جانە 5 ءىرى اۋرۋحانانى جاڭعىرتۋعا جوبالاۋ-سمەتالىق قۇجاتتاما ازىرلەۋ اياقتالادى. قۇرىلىس-مونتاج جۇمىستارى 2025-2026 جىلدارى جۇرگىزىلەتىن بولادى.
ايتا كەتەرلىگى، 2024 جىلى دەنساۋلىق ساقتاۋ ينفراقۇرىلىمىن جاڭعىرتۋدى قارجىلاندىرۋ 2،5 ەسەگە 26،3 ملرد تەڭگەگە، 2025 جىلى تاعى 2،6 ەسەگە 69،4 ملرد تەڭگەگە دەيىن ۇلعايتىلدى.