قارجى مينيسترلىگى ب ا ق تاراپىنان مەملەكەتتىك قىزمەتشىلەرگە سىياقىنى بەرۋگە بايلانىستى جاعدايدى ءتۇسىندىرۋ بويىنشا وتىنىشتەردىڭ كەلىپ تۇسۋىنە كەلەسىنى حابارلايدى.
قازاقستان رەسپۋبليكاسى ۇكىمەتىنىڭ 2001 جىلدىڭ 29 تامىزىنداعى №1127 قاۋلىسىنا سايكەس مەملەكەتتىك قىزمەتشىلەرگە سىياقى تولەۋ، ماتەريالدىق كومەك كورسەتۋ، لاۋازىمدىق ايلىقاقىلارىنا ۇستەمەاقىلار بەلگىلەۋ بيۋدجەت قاراجاتىن ۇنەمدەۋ ەسەبىنەن عانا جۇزەگە اسىرىلادى.
وسى قاۋلى ارقىلى شىعىس باپتارىنىڭ ناقتى تىزبەسى ايقىندالعان. ولاردىڭ ەسەبىنەن ۇنەمدەۋ قالىپتاسقان جاعدايدا عانا سىياقى تولەنۋى مۇمكىن (ءىسساپارلارعا، كوممۋنالدى جانە كولىك قىزمەتتەرىنە، بايلانىس قىزمەتتەرىنە، ءۇي-جايلاردى جالعا الۋعا جانە ت.ب. شىعىستار بويىنشا ۇنەمدەۋ).
بۇگىندە اتالعان قاۋلىعا، سونداي-اق باسقا دا زاڭنامالىق اكتىلەرگە سىياقىلاردى شەكتەيتىن وزگەرىستەر ەنگىزىلمەگەندىكتەن مەملەكەتتىك قىزمەتشىلەرگە سىياقىلاردى بەرۋگە تىيىم سالاتىنداي نەگىز جوق.
قارجى مينيسترلىگىنىڭ وسىعان دەيىنگى حابارلاماسىندا ۇكىمەت قاۋلىسىنىڭ نورمالارىن بۇلجىتپاي ۇستانۋ قاجەتتىگى جانە باعدارلاما اكىمشىلەرىنىڭ قىزمەتكەرلەردى تىزبەدە كورسەتىلگەندەردەن بولەك بيۋدجەتتىك باپتاردان قاراجاتتى سىياقىعا پايدالانۋعا جول بەرمەۋ تۋرالى ايتىلعان بولاتىن.
ينۆەستيسيالىق جوبالاردى ىسكە اسىرۋدان جانە/نەمەسە مەملەكەتتىك اپپاراتتىڭ جۇمىسىنا اسەر ەتپەيتىن ماتەريالدىق اكتيۆتەردى ساتىپ الۋدان ۇنەمدەلگەن قاراجات بيۋدجەتكە قايتارىلۋعا ءتيىس.