الماتىداعى دەمالىس كۇندەرى وتەتىن جارمەڭكەلەرگە 300-دەن استام اۋىل شارۋاشىلىعى وندىرۋشىلەرى قاتىسىپ جاتىر
الماتىدا دەمالىس كۇنى جارمەڭكەلەرىنە قاتىسۋشىلار سانى 317-گە جەتتى. وتكەن جىلمەن سالىستىرعاندا الماتى مەن الماتى وبلىسىنىڭ فەرمەرلەرى مەن تاۋار وندىرۋشىلەرى اراسىندا ساتۋشىلار سانى 7% - عا ءوستى. ءوسۋ جارمەڭكەلەر ينفراقۇرىلىمىن جاڭعىرتۋمەن بايلانىستى: جاڭا ساۋدا سورەلەرى ورناتىلدى، سانيتارلىق جاعدايلار جاقسارتىلدى، كەلۋشىلەردىڭ قوزعالىسى ءۇشىن قولايلى مارشرۋتتار قالىپتاستىرىلدى.
جارمەڭكەلەرگە اپتا سايىن 45000-نان استام ادام قاتىسادى. ساتىلىمدا جاڭا سويىلعان مال ەتى، جۇمىرتقا، كوكونىستەر، جەمىستەر، اشىتىلعان ءسۇت ونىمدەرى، شۇجىقتار، بال جانە باسقا دا تاۋارلار بار. جالپى تاۋار ءتۇرى 1000 اتاۋدان اسادى.
جارمەڭكە ۇيىمداستىرۋشىسى «الماتى» اكك» اق بولىپ تابىلادى. باعانى تۇراقتاندىرۋ جونىندەگى شارالار شەڭبەرىندە الەۋمەتتىك ماڭىزى بار ونىمدەر نارىقتىق قۇننان 15-20% - عا تومەن ساتىلادى.
جارمەڭكەلەر ءار سەنبى جانە جەكسەنبى كۇندەرى ساعات 09.00-دەن 18.00-گە دەيىن مىنا مەكەن-جايلاردا وتەدى:
· المالى اۋدانى - ماسانچي كوشەسى (ايتەكە بي كوشەسى مەن گوگول كوشەسى اراسى)؛
· اۋەزوۆ اۋدانى - وتەگەن باتىر كوشەسى (اباي داڭعىلىنان تومەن)؛
· بوستاندىق اۋدانى - قازاقفيلم ى/ا. (ءال-فارابي داڭعىلىنان جوعارى)؛
· مەدەۋ اۋدانى - مەڭدىقۇلوۆ بۋلۆارى-بەكتۇروۆ كوشەسى.
