الماتىنىڭ تجد 2025 جىلدىڭ ءورت ءقاۋپى جوعارى كوكتەم-جاز ماۋسىمىنا دايارلىق بارىسىن باياندادى، دەپ حابارلايدى aqshamnews.kz
الماتى قالاسىنىڭ وڭىرلىك كوممۋنيكاسيالاق قىزمەتىندە الداعى ءورت شىعۋ ءقاۋپى كوپ ماۋسىمعا دايارلىق جۇمىستارىن پىسىقتاعان پرەسس-كونفەرەنسيا بولىپ ءوتتى. الماتى قالاسىنىڭ توتەنشە جاعدايلار دەپارتامەنتى وكىلدەرىنىڭ اقپاراتىنا قاراعاندا، بىلتىر باستالعان دايارلىق جۇمىستارى ءالى اياقتالا قويماعان.
«ورمان شارۋاشىلىعى جانە جانۋارلار دۇنيەسى كوميتەتىنىڭ قاۋلىسىنا سايكەس، الماتى مەن الماتى وبلىسىنىڭ ورمان القابىندا 26 ناۋرىزدان باستاپ ءورت شىعۋ ءقاۋپى بار ماۋسىم باستالدى. قازىرگى دەيىن قالا اۋماعىندا قۋراعان، كەپكەن وسىمدىكتەردەن 120 ءورت شىققانى تىركەلىپتى. ءورت كوبىنە وقىستان شىعادى، كەيدە قوقىستاعى بىقسىعان شالانىڭ وزىنەن دا ءورت شىعۋى مۇمكىن»، — دەپ ساقتاندىردى الماتى ءتجد-نىڭ مەملەكەتتىك ءورت باقىلاۋ باسقارماسىنىڭ باستىعى كونستانتين كانين.
ىلە-الاتاۋ ۇلتتىق پاركى (20 805 گا)، «مەدەۋ» تابيعي (708،2 گا) پاركى مەن باۋم توعايى (137،7 گا) الماتىنىڭ اۋماعىندا تۇر. سوندىقتان بۇل ايماقتاردى قالالىق قىزمەتتەر مەن تابيعاتتى قورعاۋ قىزمەتتەرى ەرەكشە باقىلاۋعا الىپ وتىر.
دەپارتامەنتتىڭ، اكىمدىك پەن باسقا دا قۇزىرلى مەكەمەلەردىڭ باستاماسىمەن وسى اۋماقتار قۇرعاق، كەپكەن وسىمدىكتەردەن تازارتىلىپ، تۇرعىنداردى دا الداعى ماسىمدا ساق بولۋعا شاقىردى.
«قالاعا دەيىن 39،1 شاقىرىمداي جەردە الىپ جاتقان مينەرالدانعان جولاقتار، اشىق الاڭقايلار سالىپ جول جيەگىنە، 35،2 گا جەردەگى قۋراعان وسىمدىكتەر شاۋىپ تاستادىق»، — دەدى ك. كانين.
بۇدان بولەك، قالانىڭ تاۋلى جاعى مەن ورماندى جەرلەرىن قاراۋىلدايتىن ارناۋلى جاساقتار دا قۇرىلعان. كۇن سايىن وسىنداي 13 قىزمەتكەر مەن 2 تەحنيكا جولعا شىعادى. كەرەك بوپ جاتسا، جەكە قۇرامداعى 100 ادام تاعى كومەككە كەلۋگە دايار تۇر. مامانداردىڭ قولىندا ءورت سوندىرەتىن قۇرىلعىلار مەن ءورتتى وشىرەتىن كۇرەكتەن باستاپ، كەرەك-جاراقتىڭ ءبارى بار.
ونىمەن بىرگە، الماتىنى ورتتەن بارىنشا ساقتاندىرۋ ءۇشىن 20 ءورت ءسوندىرۋ بولىمشەسى دە وسى جۇمىسقا تارتىلعان.
جاعدايدى باقىلاۋدا ۇستاۋ ءۇشىن اۋماقتى شارلاپ جۇرەتىن تەپلوۆيزورى بار دروندار مەن داۋىس كۇشەيتكىشتەرمەن دە قامتاماسىز ەتىلدى. بۇدان بولەك، مەدەۋ پاركىندە ءورتتى دەر كەزىندە انىقتايتىن وپتيكالىق-سەنسورلى كامەرالارمەن باقىلاۋ جاسايتىن جۇيە دە جۇمىس ىستەيدى.
ءسوزىنىڭ سوڭىنا قاراي، تجد وكىلى تۇرعىنداردى ساق بولىپ، تاۋلى-ورماندى جەرلەردە بارىنشا قىراعى بولۋعا شاقىردى.
«قوقىس تاستاماسا، سىرىڭكە جاقپاسا، كورىنگەن جەرگە وتىرا قالىپ وت جاقپاسا دەيمىز ازاماتتار. ءورت كەز كەلگەن ساتتە لاپ ەتە قالۋى مۇمكىن. سودىقتان بارىنشا ساق بولۋ – ءبارىمىزدىڭ مىندەتىمىز» ، — دەپ اياقتادى ءوز ءسوزىن مامان.
ءورتتىڭ الدىن الىپ، ساقتاندىرۋدى ءالى دە جالعاستىرا تۇسپەك. ءقازىر بارلىق قىزمەت قانداي جاعدايعا بولسىن ساقاداي ساي وتىر.