الماتىدا "ءقاۋىپسىز جول" رەسپۋبليكالىق جەدەل-پروفيلاكتيكالىق ءىس-شاراسى اياسىندا موپەد جۇرگىزۋشىلەرىنە قاتىستى باقىلاۋ كۇشەيتىلدى، - دەپ حابارلايدى Polisia.kz.
رەيد بارىسىندا پاترۋلدىك پوليسيانىڭ توقتاۋ تۋرالى تالابىنا باعىنباي، قاشۋعا تىرىسقان جۇرگىزۋشى ۇستالىپ، سوت شەشىمىمەن جاۋاپقا تارتىلدى.
الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى تيمۋر نوعايبايەۆتىڭ ايتۋىنشا، 5 ساۋىردەن بەرى 1،5 مىڭنان استام موپەد جۇرگىزۋشىسى ءتۇرلى قۇقىق بۇزۋشىلىقتار ءۇشىن جاۋاپقا تارتىلىپ، 500-دەن استام كولىك ايىپپۇل تۇراعىنا قويىلعان. پوليسيا موپەدتى تىركەۋسىز، جۇرگىزۋشى كۋالىگىنسىز جانە قورعانىس قۇرالدارىنسىز جۇرگىزۋ زاڭمەن جازالاناتىنىن ەسكەرتەدى. باستى ماقسات – جول قوزعالىسى قاۋىپسىزدىگىن قامتاماسىز ەتىپ، ازاماتتاردىڭ قۇقىقتىق ساناسىن ارتتىرۋ.