الماتى قالالىق پوليسيا دەپارتامەنتى ساياباقتاردىڭ بىرىندە دەمالۋشىلار مىنگەن اتكەنشەكتىڭ كەنەتتەن توقتاپ قالۋىنا بايلانىستى تەرگەۋدى باستادى، دەپ حابارلايدى 24.kz-كە سىلتەمە جاساپ.
ءقازىر وقيعانىڭ ءمان-جايى انىقتالىپ جاتىر، ونىڭ قورىتىندىسى بويىنشا قۇقىقتىق باعا بەرىلەتىن بولادى. ايتا كەتەيىك، جەكسەنبى كۇنى دەمالىس ساياباقتارىنىڭ بىرىندە جۇمىس ىستەپ تۇرعان «تۇيمەداق» كارۋسەلى كەنەتتەن توقتاپ، ونداعان ادام بيىكتە تۇرىپ قالعان.
پارك اكىمشىلىگىنىڭ حابارلاۋىنشا، اتتراكسيوننىڭ توقتاۋىنا قاۋىپسىزدىك داچيگىنىڭ ىسكە قوسىلۋى سەبەپ بولعان. كارۋسەلدەگى بارلىق ادام سەگىز مينۋت ىشىندە امان-ەسەن تومەنگە ءتۇسىرىلدى. وقيعادان ەشكىم زارداپ شەككەن جوق.