دارىگەرلەر قالا تۇرعىندارىن كارانتيندىك شارالاردى ساقتاۋعا شاقىردى.
2 شىلدەدە وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسى بارىسىندا الماتى قالاسى سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى جانداربەك بەكشين قالادا كوروناۆيرۋستىڭ جاڭا شتامدارىنىڭ اينالىمى تۋرالى ايتتى، دەپ حابارلايدى Almaty-akshamy.kz.
جانداربەك بەكشيننىڭ ايتۋىنشا، الماتىدا ەپيدەميولوگيالىق احۋال جانە ينفەكسيانىڭ تارالۋىنا جول بەرمەۋ كارانتيندىك شارالاردى ساقتاۋعا جانە مەگاپوليس تۇرعىندارىنىڭ ۆاكسينالانۋ قارقىنىنا تىكەلەي بايلانىستى.
الماتىنىڭ باس سانيتارلىق دارىگەرى دەرت جۇقتىرعاندار سانىنىڭ كۇرت وسۋىنە بايلانىستى ەپيدەميولوگتاردىڭ 18 ماۋسىمنان باستاپ الماتىدا مۋتاسيالانعان شتامدارعا زەرتتەۋ جۇرگىزە باستاعانىن ايتتى.
باس سانيتارلىق دارىگەر قالادا بۇرىن ەپيدەميولوگيالىق احۋالدىڭ كۇردەلەنۋى بريتاندىق «الفا» شتامىنا قاتىستى بولعانىن، ەندى بولجام بويىنشا نۇر-سۇلتان قالاسى مەن رەسەيدەن اكەلىنگەن «دەلتا» شتامىنان ءورشي تۇسكەنىن ايتتى.
جانداربەك بەكشين 30 ماۋسىمدا كەزەكتى زەرتتەۋلەردىڭ ناتيجەسى الىنعانىن ايتتى.
«46 سىنامانىڭ 36-دا «دەلتا» شتاممى، 8-ىندە «الفا» شتامى جانە ەكەۋىندە اشىلماعان مۋتاسيا انىقتالدى. الماتىداعى ەپيدەميولوگيالىق احۋال كوروناۆيرۋس دەرتىنە شالدىققانداردى زەرتتەۋ بارىسىندا انىقتالعان 78% ۇلگىسىندە COVID-19 جاڭا «دەلتا» شتامىنا بايلانىستى بولۋدا»، – دەدى سانيتارلىق-ەپيدەميولوگيالىق باقىلاۋ دەپارتامەنتىنىڭ باسشىسى.
جانداربەك بەكشين قالا تۇرعىندارى مەن قوناقتارىن حالىق كوپ جينالاتىن ورىندارعا بارماۋعا، الەۋمەتتىك قاشىقتىق پەن بەتپەردە رەجيمىن ساقتاۋعا شاقىردى. الماتىنىڭ باس سانيتارلىق دارىگەرى كوروناۆيرۋستىڭ جاڭا شتامىنىڭ تەز تارالاتىنىن ءارى قالا تۇرعىندارىنىڭ دەنساۋلىعى ءۇشىن وتە ءقاۋىپتى ەكەنىن، سوندىقتان ۆاكسينالانۋ قاجەتتىگىن ەسكە سالدى.