قازاقستان رەسپۋبليكاسى مەملەكەتتىك ورتالىق مۋزەيى 2022 جىلدىڭ 2 قاراشاسى كۇنى ساعات 16.00-دە ۇيعىر سۋرەتشىلەرىنىڭ «ءداۋىر جاڭعىرىعى» اتتى حالىقارالىق كورمەسىن اشادى، دەپ حابارلايدى Almaty-akshamy.kz.
كورمەنى «DUNIYA-ARت» زاماناۋي ونەر گالەرەياسى» قق، الماتى قالالىق ۇيعىر ەتنومادەني ورتالىعى مەن مادەني ورتالىق جانىنداعى انالار كەڭەسىنىڭ قولداۋىمەن ۇيىمداستىرىلدى.
ون جىلدان استام جۇمىس ىستەپ كەلە جاتقان «DUNIYA-ART» گالەرەياسى قازاقستاننىڭ كوپۇلتتى بەينەلەۋ ونەرىن ناسيحاتتاۋمەن تابىستى اينالىسادى. وسى كەزەڭدە كوپتەگەن توپتىق، جەكە جانە باسقا دا تاقىرىپتىق كورمەلەر ۇيىمداستىرىلدى. «ءداۋىر جاڭعىرىعى» كورمەسى باسقا كورمەلەردەن تۇبەگەيلى ەرەكشەلەنەدى، وعان شەبەر سۋرەتشىلەر، ادامزاتتىڭ ادەمى جارتىسىنىڭ وكىلدەرى قاتىسادى.
ۇيعىر سۋرەتشىلەرىنىڭ «ءداۋىر جاڭعىرىعى» حالىقارالىق كورمەسىنىڭ نەگىزگى ماقساتى – قازىرگى الەمدەگى جانە ءبىزدىڭ ەلىمىزدەگى ايەلدەردىڭ تاريحي ءرولىن كورسەتۋ، كەلۋشىلەردى ونىڭ قوعامداعى كاسىبي قىزمەتىمەن، شىعارماشىلىعىمەن جانە بۇگىنگى تاڭدا ايەل الاتىن جەتەكشى پوزيسيالارىمەن تانىستىرۋ.
جوبانىڭ مىندەتتەرى ءار ءتۇرلى تەندەنسيالاردى، زاماناۋي ونەردەگى جاڭا باعىتتار مەن جاڭا اتاۋلاردى كوپشىلىككە كورسەتۋ، مادەنيەتتەر ديالوگىن دامىتۋ، بەينەلەۋ ونەرى سالاسىنداعى ءار ءتۇرلى ەلدەردىڭ جەتىستىكتەرى اياسىندا حالىقارالىق مادەني بايلانىستاردى، داستۇرلەردى نىعايتۋ.
كورمەگە 20-دان استام سۋرەتشىلەر مەن ساندىك قولدانبالى ونەر شەبەرلەرى قاتىسادى. ولاردىڭ ىشىندە قازاقستاننىڭ تانىمال سۋرەتشىلەرى مەن تانىمال شەبەرلەرى: سۋرەتشى-كەسكىندەمەشى م. حيتاحۋنوۆا، تەاتر كوستيۋمىنىڭ سۋرەتشىسى گۋزەل مامەدينوۆا، سۋرەتشى گۇلباحار ءاشىموۆا، ميۋنحەن سۋرەتشىلەر قاۋىمداستىعىنىڭ مۇشەسى مارۆايت حاپيز جانە ت. ب. كورمەگە ءتۇرلى جانرداعى جاس جانە ەرەكشە سۋرەتشىلەر قاتىسادى، ولاردىڭ جۇمىستارى بەينەلەۋ ونەرىن سۇيەتىندەردىڭ نازارى مەن قىزىعۋشىلىعىنا لايىق.
كورمەدە اسقاباق كەسكىندەمەسىمەن اينالىساتىن شەبەرلەردىڭ ءبىر توپ جۇمىستارى ۇسىنىلعان. ساندىك-قولدانبالى ونەردىڭ بۇل ءتۇرى قازاقستاندا ۇيعىر سۋرەتشىلەرىنىڭ اراسىندا كەڭەس داۋىرىندە پايدا بولدى، ال 90-شى جىلدارى ول جاپپاي سيپاتقا يە بولدى جانە ۇيعىر حالقىنىڭ سالت-داستۇرلەرىن بەينەلەيتىن ناعىز حالىقتىق ونەرگە اينالدى.