الماتىدا دارىگەرلەر پاسيەنتتىڭ بۇيرەگىندەگى ۇلكەن جىلاۋىقتى الىپ تاستادى

ءقازىر ەم-دومى اياقتالعان ناۋقاس ايەل ۇيىنە شىعارىلدى.

الماتىلىق ۋرولوگتار لاپوروسكوپيالىق تاسىلمەن وپەرسيا جۇرگىزىپ، 42 جاسار ايەلدى ەمدەپ شىقتى، دەپ حابارلايدى Almaty-akshamy.kz.

«ورتالىق قالالىق كلينيكالىق اۋرۋحاناعا 42 جاستاعى ايەل ءىشىنىڭ وڭ جاعىنداعى قاتتى اۋىرسىنۋ كۇيىمەن جۇگىنگەن بولاتىن. كومپيۋتەرلىك توموگرافيا جاسالىپ، جىلاۋىقتىڭ تۋىنداعانى انىقتالدى»، - دەلىنگەن وقكا باسپاسوز-قىزمەتىنىڭ حابارلاماسىندا.

جىلاۋىقتىڭ مولشەرى كت دەرەكتەرى بويىنشا - 8 دە 9 سم. ايەلدىڭ ايتۋىنشا، ول كوپتەگەن ەمحانالارعا بارعان، ول جەردە وعان اشىق تاسىلدە وپەراسيا جۇرگىزۋدى ۇسىنعان. تەك وقكا-دا ۋرولوگتار لاپوروسكوپيالىق تاسىلمەن وپەرسيا جۇرگىزگەن. دارىگەرلەر ىشىنە شاعىن عانا تەسىك جاساپ، جىلاۋىقتى ۇستاپ الىپ تاستاعان.

«بۇيرەك جانە ونىڭ بارلىق فۋنكسيالارىن ساقتاپ قالدىق. پاسيەنت تەز ارادا ساۋىعىپ كەتتى. ءقازىر ايەلدىڭ ەم-دومى اياقتالىپ، ۇيىنە شىعارىلدى»، - دەدى ۋرولوگيا بولىمشەسى مەڭگەرۋشىسىنڭ م.ا. ازيز سۋلييەۆ.

ايتا كەتەتىن جاي، وپەراسياعا دەيىن ايەلدە وڭ جاق قابىرعاسى اۋرىپ، جوعارى قان قىسىمى بولعان، جۇرگىزىلگەن وپەراسيانىڭ ناتيجەسىندە پاسيەنتتە قىسىمى تۇراقتانىپ اۋىرسىنعانى باسىلدى.

قازىرگى كۇنى پاسيەنت 6 اي بويى وقكا ۋرولوگتارىنىڭ باقىلاۋىندا بولادى.