ەلىمىزدىڭ كەز كەلگەن ءوڭىرى «قىزىل» ايماققا وتكەندە، Ashyq جۇيەسى ىسكە قوسىلۋى مۇمكىن.
بۇل تۋرالى ق ر دسم ينفەكسيالىق اۋرۋلاردى ەپيدەمولوگيالىق باقىلاۋ باسقارماسىنىڭ باسشىسى روزا قوجاپوۆا ايتتى، دەپ حابارلايدى Akmaty-akshamy.kz قازاقپاراتقا سىلتەمە جاساپ
«بەلگىلى ءبىر ءوڭىر ماتريساعا سايكەس «قىزىل» ايماققا وتكەن جاعدايدا، قاتاڭ كارانتين ەنگىزۋ ماسەلەسى قاراستىرىلادى. بۇگىندە ءبىر ءوڭىر – نۇر-سۇلتان قالاسى عانا «سارى» ايماقتا تۇر. ءوڭىر «سارى» ايماقتا بولعان كەزدە، بيزنەسكە جۇكتەمە تۇسىرەتىن قانداي دا ءبىر قاتاڭ شەكتەۋ ءىس-شاراسى كوزدەلمەگەن»، - دەدى ول ورتالىق كوممۋنيكاسيالار قىزمەتىندەگى باسپا ءسوز ءماسليحاتىندا ب ا ق وكىلدەرىنىڭ ساۋالىنا وراي.
سونىمەن قاتار ول Ashyq جۇيەسىن ەنگىزۋ مۇمكىندىگىنە قاتىستى ساۋالعا دا جاۋاپ بەردى.
«ءوڭىر «قىزىل» ايماققا وتكەن جاعدايدا، Ashyq جۇيەسى جانە ەكى كەزەڭنەن تۇراتىن شەكتەۋ ءىس-شارالارى ەنگىزىلۋى مۇمكىن. ءبىراق، بۇل ءىس-شارالار «اتامەكەن» ۇلتتىق كاسىپكەرلەر پالاتاسىمەن تالقىلاۋ ساتىسىندا تۇر»، - دەدى روزا قوجاپوۆا.
باسقارما باسشىسى بۇكىل شەشىم ۆەدومستۆوارالىق كوميسسيا قاراعاننان كەيىن عانا قابىلداناتىندىعىن باسا ايتتى.